Niahledziačy na sankcyi, rasijanam stali vydavać bolš šenhienskich viz
U 2025 hodzie hramadzianie Rasii atrymali bolš za 620 tysiač šenhienskich viz, što na 10% bolej, čym u 2024-m. Pry hetym 77 pracentaŭ vydadzienych viz — turystyčnyja.
Zhodna z dakumientami ES, jakija apynulisia ŭ rasparadžeńni vydańnia Euractiv, ahulnaja kolkaść zajavak na vizy ad rasijan vyrasła na 8% i pieravysiła 670 tysiač. Samaje cikavaje — struktura hetych vydač:
77% usich viz (kala 477 tysiač) — turystyčnyja.
Astatnija doli prypadajuć na vizity da svajakoŭ i dziełavyja pajezdki.
Try krainy — Francyja, Italija i Ispanija — stali hałoŭnymi «varotami» ŭ Jeŭropu, pryniaŭšy na siabie 75% usich zajavak ad rasijan. Pry hetym Francyja pavialičyła vydaču viz rasijanam bolš čym na 23%.
Taki rost pakazčykaŭ vyklikaŭ napružanaść na zakrytych sustrečach jeŭrapiejskich dypłamataŭ. Krainy Bałtyi i Paŭnočnaj Jeŭropy nastojvajuć na poŭnaj izalacyi Kramla i jaho hramadzian, pakul praciahvajecca vajna va Ukrainie.
Niahledziačy na rost ličbaŭ, ekśpierty zaklikajuć nie śpiašacca z vysnovami ab realnym pavieličeńni kolkaści turystaŭ.
Pryčyna moža być jašče i techničnaj. U listapadzie 2024 hoda Jeŭrakamisija faktyčna zabaraniła vydaču šmatrazovych viz rasijanam z-za ryzyk dyviersij i špijanažu.
Kali raniej padarožnik moh karystacca adnoj vizaj piać hadoŭ, to ciapier jon vymušany padavać dakumienty pad kožnuju novuju pajezdku.
Takim čynam, rost statystyki moža śviedčyć nie pra rost pajezdak u Jeŭropu, a pra toje, što rasijanie stali čaściej źviartacca ŭ konsulstvy pa karotkaterminovyja dazvoły.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary
F gjnjv vj;yj? a potom možno i v Polšu, kotoraja rośsijan nie vpuskajet, i na etom fonie obładajuŝim Kartu Polaka trudno zapisaťsia v vizovyje cientry v RB, a eti ( rośsijanie) "šastajut" hdie chotiat.... Viesiełucha, i kak ich zastaviť priekratiť vojnu. Jeśli "bałahan" v ES.