Tramp: Damoŭlenaści z Pucinym, što jon atrymaje ŭvieś Danbas, niama
Prezident ZŠA Donald Tramp pierad svaim adlotam u Kitaj zajaviŭ žurnalistam, što ŭ jaho nie było nijakich damoŭlenaściaŭ z Uładzimiram Pucinym pra toje, što Rasija atrymaje pad svoj kantrol uvieś Danbas.
Tramp koratka adkazaŭ «nie» na pytańnie pra mahčymyja tajemnyja pahadnieńni z Pucinym nakont losu Danbasa i nie staŭ dalej tłumačyć svaju pazicyju.
Adnačasova jon adznačyŭ, što zakančeńnie vajny va Ukrainie, na jaho dumku, užo blizkaje, a taksama dapuściŭ mahčymaść svajho vizitu ŭ Rasiju jašče sioleta.
U toj ža čas rasijskija ŭłady praciahvajuć nastojvać, što adnoj z hałoŭnych umoŭ spynieńnia ahniu pavinien być vyvad ukrainskich vojskaŭ z usioj terytoryi Danieckaj vobłaści. Apošnim časam rasijskija čynoŭniki nieadnarazova zajaŭlali, što mienavita takoha rašeńnia čakajuć ad Kijeva.
Pry hetym pradstaŭniki Rasii namiakajuć, što hetaje pytańnie mahło abmiarkoŭvacca padčas sustrečy Trampa i Pucina ŭ Ankorydžy ŭ žniŭni 2025 hoda. U Maskvie časta zhadvajuć tak zvany «duch Ankorydža» i śćviardžajuć, što mienavita hetyja nieaficyjnyja parazumieńni pavinny stać asnovaj dla budučaha ŭrehulavańnia vajny. Adnak aficyjna pra niejkija kankretnyja damoŭlenaści paśla toj sustrečy nivodzin bok nie paviedamlaŭ.
Ukraina, sa svajho boku, admaŭlajecca pieradavać uvieś Danbas pad kantrol Rasii. Kijeŭ prapanuje spynić bajavyja dziejańni pa ciapierašniaj linii frontu. U takim vypadku častka Danbasa, jakaja ciapier kantralujecca Rasijaj, zastałasia b pad jaje faktyčnym kantrolem, ale Ukraina nie źbirajecca pryznavać heta jurydyčna.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary