Padčas vučeńniaŭ płanujecca adpracavać sumiesnaje vykarystańnie jadziernaj zbroi, raźmieščanaj u Biełarusi.
Rasijskaja armija pravodzić maštabnyja trochdzionnyja vučeńni pa padrychtoŭcy i prymianieńni jadziernych sił va ŭmovach pahrozy ahresii, paviedamiła Minabarony RF.
Padčas vučeńniaŭ, jakija projduć z 19 pa 21 maja, buduć ažyćcioŭleny puski balistyčnych i kryłatych rakiet pa palihonach na terytoryi Rasii.
Da mierapryjemstvaŭ płanujuć pryciahnuć bolš za 64 tysiačy vajskoŭcaŭ, amal 8 tysiač adzinak techniki i bolš za 200 rakietnych puskavych ustanovak. U adpracoŭcy prymuć udzieł Uzbrojenyja siły, Cichaakijanski i Paŭnočny fłoty Rasii.
U Minabarony zajavili, što metami vučeńniaŭ źjaŭlajucca adpracoŭka dziejańniaŭ pa strymlivańni praciŭnika i pravierka ŭzroŭniu padrychtoŭki zadziejničanych vojskaŭ.
Taksama płanujecca adpracavać pytańni sumiesnaha vykarystańnia jadziernaj zbroi, raźmieščanaj u Biełarusi.
Učora ŭ Biełarusi pačałasia treniroŭka vajskovymi čaściami bajavoha prymianieńnia jadziernaj zbroi i jadziernaha zabieśpiačeńnia.
Zhodna ź Minabarony, u chodzie treniroŭki va ŭzajemadziejańni z rasijskim bokam płanujecca adpracavać pytańni dastaŭki jadziernych bojeprypasaŭ i padrychtoŭki ich da prymianieńnia.
Kamientary