«Skončycie ŭžo hetu bojniu». Režysior Źviahincaŭ atrymaŭ Hran-pry Kanskaha fiestyvalu i źviarnuŭsia sa sceny da Pucina
Rasijski režysior Andrej Źviahincaŭ atrymaŭ Hran-pry 79‑ha Kanskaha fiestyvalu za film «Minataŭr». Padčas uručeńnia ŭznaharody jon źviarnuŭsia sa sceny da Uładzimira Pucina.
«Ja b chacieŭ źviarnucca da adnaho čałavieka ad svajho ŭłasnaha imia. Jon nie karystajecca VPN, kab ubačyć hetuju cyrymoniju ŭ žyvym efiry. Upeŭnieny, značna bolš važnyja pytańni jamu zaraz davodzicca vyrašać. I ja viedaju, što ŭ jaho atačeńni jość ludzi, jakija viedajuć, jak pieradać jamu hetyja słovy.
Miljony ludziej pa abodva baki linii sutyknieńnia zaraz marać tolki pra adno — kab narešcie spynilisia nieźličonyja zabojstvy ludziej. I adziny čałaviek, jaki moža spynić hetuju miasarubku, — vy, spadar prezident Rasijskaj Fiederacyi. Skončycie ŭžo hetuju bojniu. Uvieś śviet čakaje hetaha», — skazaŭ Źviahincaŭ.
Zała sustreła hetyja słovy apładysmientami.
Dla Źviahincava sioletniaje Hran-pry — užo čaćviortaja ŭznaharoda ŭ Kanach. U 2011 hodzie jaho film «Alena» byŭ udastojeny pryza žury konkursnaj prahramy «Asablivy pohlad». U 2014‑m «Levijafan» byŭ adznačany pryzam za najlepšy scenaryj. Stužka «Nieluboŭ» u 2017 hodzie atrymała pryz žury Kanskaha fiestyvalu.
Što da inšych łaŭreataŭ sioletniaha fiestyvalu, to najlepšymi režysiorami nazvanyja ispancy Chaŭjer Kalva i Chaŭjer Ambrosi, jakija źniali film «Čorny šar» pa matyvach pjesy Harsija Łorki. A taksama — polska-brytanski režysior Pavieł Paŭlikoŭski za vytančanuju karcinu «Ajčyna» pra naviedvańnie piśmieńnikam Tomasam Manam paślavajennaj Hiermanii.
Pryz žury atrymaŭ film «Pryhoda mary» niamieckaj režysiorki Valeski Hryziebach.
Karcina «Raptam» japonskaha režysiora Rusuke Chamahuci była adznačanaja ŭznaharodaj «Za najlepšuju žanočuju rolu». Uznaharody byŭ udastojeny akciorski tandem Viržyni Efira i Tao Akamota.
«Załatuju palmavuju halinu» za karjeru atrymała amierykanskaha aktrysa Barbra Strejzand, jakaja z-za traŭmy nie zmahła naviedać cyrymoniju, ale zapisała ŭdziačnuju pramovu.
«Minataŭr» Andreja Źviahincava — antyvajennaja drama, jakuju stojačy vitali ŭ Kanach
U Kanach pakazali film, całkam stvorany štučnym intelektam. $400 tysiač pajšło na vyličalnyja mahutnaści ŠI
Džon Travołta ŭraziŭ u Kanach svaim vyhladam FOTY
Džon Travołta niečakana atrymaŭ hanarovuju ŭznaharodu ŭ Kanach
Hałoŭnaja redaktarka «Biełsata» źniałasia ŭ filmie-favarycie Kanskaha kinafiestyvala
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava7
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary
nijaki spadar nie moža pahnać nikoha na śmierć biez žadańnia hetaj asoby
Jon skazaŭ hałoŭnaje - kab Pucin spyniŭ vajnu. Jaho pačuli ŭsie. Što jon jašče pavinien byŭ skazać?