U Bielhii ciahnik sutyknuŭsia sa školnym aŭtobusam, jość zahinułyja
U bielhijskim horadzie Biuhhienchaut siońnia ranicaj ciahnik sutyknuŭsia sa školnym aŭtobusam na čyhunačnym pierajeździe, paviedamlaje VRT News.
Jość niekalki zahinułych, dakładnaja kolkaść achviar i paciarpiełych pakul nie nazyvajecca.
Avaryja adbyłasia prykładna a 8‑j hadzinie ranicy pa miascovym časie, kali aŭtobus vyjechaŭ na pierajezd. Pavodle infarmacyi kampanii Infrabel, jakaja adkazvaje za čyhunačnuju infrastrukturu, šłahbaumy ŭ hety momant užo byli zakrytyja, a śviatłafor pakazvaŭ čyrvony sihnał.
«My nie viedajem, jak mahła adbycca hetaja avaryja», — zajaviŭ pradstaŭnik Infrabel.
U mikraaŭtobusie znachodzilisia siem školnikaŭ, kiroŭca i supravadžajučy. Kala 100 pasažyraŭ ciahnika evakujavali i pieradali pad nahlad śpiecyjalistaŭ. Palicyja pracuje na miescy, da rasśledavańnia taksama pavinien dałučycca śpiecyjalist pa rekanstrukcyi avaryj.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami54
Kamientary