Aŭstryjca prysudzili da 15 hadoŭ za padrychtoŭku napadu na kancert Tejłar Śvift u Vienie
Try kancerty musili adbycca ŭ žniŭni 2024 hoda, ale byli admienienyja.
21‑hadovy hramadzianin Aŭstryi, jaki pryznaŭ vinu ŭ sprobie arhanizavać džychadyscki napad na kancercie śpiavački Tejłar Śvift u aŭstryjskaj stalicy ŭ 2024 hodzie, atrymaŭ 15 hadoŭ turmy, piša Bi-bi-si.
Mužčyna, imia jakoha ŭ adpaviednaści z aŭstryjskim zakanadaŭstvam fihuruje ŭ materyjałach spravy jak Bieran A., taksama pryznaŭ svaju vinu ŭ ździajśnieńni inšych złačynstvaŭ.
U čaćvier jon zajaviŭ sudu ŭ horadzie Vinier-Nojštat, što škaduje ab zroblenym, paśla čaho prysiažnyja vyjšli na niekalki hadzin dla vyniasieńnia vierdyktu.
Kancerty Tejłar Śvift u ramkach suśvietnaha tura Eras pavinny byli adbycca na stadyjonie «Ernst Chapiel» u Vienie ŭ žniŭni 2024 hoda, ale byli admienieny paśla taho, jak aŭstryjskija ŭłady atrymali infarmacyju ad CRU ab mahčymym napadzie i zatrymali padazravanych.
Na try kancerty było pradadziena amal 200 tysiač biletaŭ.
Pa słovach prakuroraŭ, Bieran A. radykalizavaŭsia i prysiahnuŭ na viernaść džychadysckaj hrupoŭcy «Isłamskaja dziaržava».
Abvinavačańnie zajaviła, što jon sprabavaŭ, ale nie zmoh niezakonna nabyć zbroju, u tym liku kulamiot i ručnuju hranatu.
U svaich pakazańniach u minułym miesiacy Bieran A. zajaviŭ, što byŭ upeŭnieny ŭ nieabchodnaści «nieści džychad», ale «bajaŭsia pamierci».
Jon raskazaŭ sudu, jak atrymlivaŭ instrukcyi i sprabavaŭ vyrabić bombu, ale paciarpieŭ niaŭdaču. A taksama pra toje, jak źviartaŭsia pa paradu z nahody vybaru zbroi da niekalkich čataŭ i da vysokapastaŭlenaha člena ID.
Sudovy psichijatr Pieter Chofman zajaviŭ, što ŭ Bierana A. nie było prykmiet psichičnaha zachvorvańnia, dadaŭšy, što ŭ jaho radykalizacyi «niama psichijatryčnaha tłumačeńnia».
Padčas abviaščeńnia prysudu Bieran A. čas ad času ahladaŭ zału suda, hučna ŭschlipvajučy, a jaho nohi i ruki dryžali.
Razam ź Bieranam A. pierad sudom paŭstaŭ jašče adzin 21‑hadovy mužčyna sa Słavakii pa imieni Arda K. Jon nie byŭ datyčny da zmovy suprać Tejłar Śvift, ale razam jany prachodzili pa abvinavačańni ŭ dačynieńni da jačejki džychadysckaj hrupoŭki «Isłamskaja dziaržava». Jon byŭ prysudžany da 12 hadoŭ pazbaŭleńnia voli.
Abodva prysudy jašče mohuć być abskardžanyja. U svaich zaklučnych słovach padsudnyja paprasili prabačeńnia.
«Ja prosta chaču skazać, što mnie vielmi škada», — zajaviŭ u sudzie Bieran A.
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary
Nu, da, nu, da.