Biełarus pierakanaŭ Daniju, što jaho niekalki sudzimaściaŭ za narkotyki — faktyčna palityčny pieraśled. I atrymaŭ prytułak
U 2020‑m jaho źbili nieviadomyja, tamu jon i źjechaŭ u Daniju.
Dackaja rada pa spravach biežancaŭ (Flygtningenævnet) u žniŭni 2024 hoda pryznała biełarusa ŭciekačom pavodle Ženieŭskaj kanviencyi. Mužčyna pryjechaŭ u Daniju ŭ 2020 hodzie. Na radzimie jaho niekalki razoŭ sudzili za zachoŭvańnie narkotykaŭ — ale rada paličyła hetyja spravy sfabrykavanymi, mietadam, jakim ułady raspraŭlajucca z krytykami režymu.
Zajaŭnik — pravasłaŭny biełarus. Pavodle jaho apoviedu, jon pačaŭ krytykavać uładu jašče ŭ 2006 hodzie, bo nie pahadžaŭsia z tym, jak kirujuć krainaj. Jon vykazvaŭsia suprać režymu na demanstracyjach, u razmovach ź ludźmi i ŭ internecie — i trapiŭ u pole zroku ŭładaŭ.
U pieryjad z 2009 da 2014 hoda jaho niekalki razoŭ asudzili za zachoŭvańnie narkotykaŭ. Sam zajaŭnik śćviardžaŭ, što abvinavačańni byli iłžyvyja i źviazanyja ź jahonaj palityčnaj aktyŭnaściu. Rada z hetym pahadziłasia, abapirajučysia na fonavuju infarmacyju pra stanovišča ŭ Biełarusi.
Situacyja rezka pahoršyłasia padčas vybaraŭ 2020 hoda. Biełarus raskazaŭ, što niezadoŭha da adjezdu da jaho pryjšli troje nieviadomych, źbili jaho i skazali, što «parežuć na kavałki», kali jon nie «zatkniecca». Raniej jaho taksama vyklikali da ŭładaŭ i papiaredžvali spynić aktyŭnaść.
U Danii mužčyna svaju dziejnaść nie spyniŭ: pratestavaŭ pierad rasijskim pasolstvam, udzielničaŭ u akcyjach u padtrymku Ukrainy i praciahvaŭ krytykavać biełaruski režym u sacsietkach — pad ułasnym imiem. Praz heta, pavodle jaho słoŭ, jon atrymaŭ pahrozu ŭ sacyjalnaj sietcy ad čałavieka, jaki, jon upeŭnieny, źviazany z palicyjaj. Adnaho ź jaho rodzičaŭ taksama vyklikali da ŭładaŭ.
Rada paličyła zajaŭnika «vartym davieru» i adznačyła, što značnaja častka jaho apoviedu hučyć jak pieražytaje asabista. Razychodžańni ŭ detalach vyrašalnaha značeńnia nie mieli.
Asobna rada razhladała, ci nie varta admović u prytułku praz sudzimaści — vyklučeńnie, praduhledžanaje Kanviencyjaj dla tych, chto ździejśniŭ ciažkija złačynstvy. Padstaŭ dla hetaha nie znajšli.
U vyniku rada pryznała, što pry viartańni ŭ Biełaruś mužčyna ryzykuje sutyknucca ź pieraśledam, i vydała jamu dazvoł na žycharstva sa statusam biežanca.
-
U minskija kramy zavieźli ekzatyčnyja płady z Kałumbii
-
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami
-
Jak ciapier vyhladaje staradaŭni kaścioł, na vyratavańnie jakoha dziaržava źbiraje achviaravańni FOTY
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami54
Kamientary
[Zredahavana]