Dziaržaŭnyja movy na 100 bałaŭ zdali bolš za 1400 čałaviek. Bolš čym na 90% heta ruskaja
Respublikanski instytut kantrolu viedaŭ (RIKV) apublikavaŭ vyniki centralizavanych ekzamienaŭ pa biełaruskaj i ruskaj movach.
U 2026 hodzie biełaruskuju movu zdavali 10 417 vypusknikoŭ škoł. Maksimalnyja 100 bałaŭ tut atrymali 125 čałaviek. Dla paraŭnańnia: letaś stobalnikaŭ było 264. Siaredni bał skłaŭ 63,85 suprać 65,62 u 2025 hodzie.
Ruskaja mova była bolš masavym ekzamienam — jaje zdavali 48 456 adzinaccacikłaśnikaŭ. Sto bałaŭ nabraŭ 1301 vypusknik, što amal udvaja bolš, čym hodam raniej, kali takich było 715. Pavialičyŭsia i siaredni bał: z 62,62 da 66,16.
Takim čynam, pa dźviuch dziaržaŭnych movach u Biełarusi sioleta naličvajecca 1426 stobalnikaŭ.
Vyniki ŭžo dastupnyja ŭ asabistych kabinietach abituryjentaŭ na sajcie RIKV, dzie možna aznajomicca sa skan-kopijaj błanka adkazaŭ. Akramia taho, da 19:00 8 červienia ŭdzielnikam ekzamienaŭ pavinny byli pastupić biaspłatnyja SMS-paviedamleńni z nabranymi bałami.
U RIKV udakładnili, što paviedamleńni rassyłajucca ad imia «RIKC.BY» i ŭtrymlivajuć tolki nazvu pradmieta, kolkaść bałaŭ i numar błanka.
Raniej paviedamlałasia, što paśla pieršaha centralizavanaha ekzamienu pa pradmiecie na vybar, jaki adbyŭsia 26 maja, sto bałaŭ nabrali 638 vypusknikoŭ.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami66
Kamientary