Namieśnik kamandzira pa vychavaŭčaj pracy i kadravym zabieśpiačeńni bataljona darožna‑patrulnaj słužby ŭpraŭleńnia DAI UUS Homielskaha abłvykankama padpałkoŭnik Andrej Łaŭšuk premiravany paśla lista z padziakaj, jaki pastupiŭ na imia načalnika UUS.
Aŭtar lista, žychar Homiela, raskazaŭ pra toje, jak zhubiŭ kašalok, ale nieŭzabavie jamu patelefanavaŭ supracoŭnik DAI, pryjechaŭ i viarnuŭ prapažu. U kašalku znachodzilisia dakumienty i amal 300 tysiač rubloŭ.
Jak paviedamiŭ supracoŭnik adździeła infarmacyi i hramadskich suviaziaŭ UUS Ihar Hryškievič, sioleta Łaŭšuk užo čatyry razy viartaŭ hramadzianam zhublenyja rečy. U mai ŭ redakcyju haradskoj haziety pryjšoŭ list z prośbaj vykazać padziaku supracoŭniku DAI za viartańnie zhublenych dakumientaŭ na aŭtamabil. Zimoj Łaŭšuk dapamoh svajmu kalehu — učastkovamu inśpiektaru milicyi, žonka jakoha zhubiła dakumienty ŭ rajonie aŭtazapraŭki.
U trecim vypadku supracoŭnik DAI znajšoŭ na padakońniku ŭ načnym mahazinie sotavy telefon. Łaŭšuk adšukaŭ uładalnika i paviedamiŭ, što telefon znojdzieny i moža być viernuty. U adkaz milicyjanier pačuŭ pahrozy i abvinavačvańni ŭ tym, što niby heta jon telefon i skraŭ.
«Kab vyklučyć najmienšyja padazreńni, Łaŭšuk uziaŭ videamateryjały z kamier nazirańnia, jakoje viałosia ŭ toj dzień u kramie. Baćku i jaho synu, jakija pryjechali za telefonam, byli pakazanyja zdymki. Na ich dobra bačna, u jakim stanie znachodziŭsia syn i što nabyvaŭ. Usie pytańni byli źniatyja, i hałava siamji jašče doŭha prasiŭ prabačeńnia ŭ prystojnaha supracoŭnika milicyi», — raskazaŭ Hryškievič.
