Heta makaŭka leta, śviata najbolšaha roskvitu pryrodnych siłaŭ. I samaje papularnaje tradycyjnaje śviata.
Heta makaŭka leta, śviata najbolšaha roskvitu pryrodnych siłaŭ. I samaje papularnaje tradycyjnaje śviata.
Moładź skača praz vohnišča. Kali chłopiec maje paru, to pieraskokvaje ahoń razam ź dziaŭčynaj. Kali ŭ čas skakańnia praz ahoń u zakachanaj pary ruki nie rasčepiacca — dobraja prykmieta.
A jašče ŭ hetuju noč varta razam z kachanaj znajści paparać‑kvietku, kab być zdarovymi, ščaślivymi i mieć hrošaj.
Stročycy: «Ciešča»
26 červienia. Muziej narodnaj architektury i pobytu pad Minskam. U Stročycach na Kupalle — abchod chat, spalvańnie staryzny i narodnyja śpievy. Zaprošanyja falkłornyja kalektyvy «Asałoda» i «Ciešča». Pačatak blizu 15‑j, ale možna pryjechać i raniej, bo muziej adčyniajecca a 10‑j ranku.
Łondan: tałaka
26 červienia. Biełaruski relihijna‑kulturny centr u Łondanie (39, Holden Road). U kupalskaj prahramie łondanskich biełarusaŭ — narodnyja śpievy i tancy. Pažadana pa mahčymaści być u nacyjanalnym adzieńni. Pierad śviatkavańniem adbudziecca nievialikaja tałaka pa dobraŭładkavańni dvara Biełaruskaha centra. Pačatak a 17‑j.
Darečy, Biełaruskaje Kupalle ŭ parku «Uord Paund Rydž Rezervejšn» kala Ńju‑Jorka ŭžo adbyłosia 19—20 červienia. Kupalski viečar pačaŭsia z pryznačeńnia Kniazia‑Kupališa i Kupalinki, jakija raspalili vohnišča. Cana ŭdziełu składała $25 dla darosłych, $10 dla dziaciej mienšych za 12 hod.
U tyja ž dni adbyłosia Kupalle i la Muzieja draŭlanaha dojlidstva na bierazie Anhary (Rasija, Sibir). Irkuckaje Tavarystva biełaruskaj kultury sioleta pačało śviata ź ihry na dudzie.
Manreal: z krupnikam
U noč z 26 na 27 červienia za 80 kiłamietraŭ na poŭnač ad Manreala, na malaŭničym uźbiarežžy raki taksama adbudziecca śviatkavańnie Kupalla.
Na śviacie buduć abaviazkovyja karahody dy skoki praz vohnišča pad tradycyjnyja kupalskija śpievy. Krupnik dy tancy z hulniami pad biełaruskuju dudu nie daduć udzielnikam zamierznuć ci sumavać.
Taronta: vianočki na voziery Manitoŭvabinh
U noč z 10 na 11 lipienia biełarusy Taronta źbirajucca na Kupalle ŭ tradycyjnym miescy — na terytoryi Centra adpačynku «Słucak», što znachodzicca za 250 km na poŭnač ad Taronta. Na Kupalli budzie ŭsio, čamu naležyć być: pieśni, karahody, skoki praz vohnišča i pad harmonik; «ciomnyja siły» buduć namahacca skraści Kupalinku, ale Kniaź‑Kupališ z družynaju abaviazkova vyratuje jaje; pad ranicu pa voziery Manitoŭvabinh papłyvuć kupalskija vianočki z zapalenymi śviečkami…
Minsk, «Reaktar»: rok
29 červienia. Kłub «Reaktar» (Charužaj, 29), Minsk. Kupalskaje after‑paci. Va ŭmovach, maksimalna nabližanych da staražytnych, u staličnym kłubie adbudziecca štohadovy fest «Kupalskaje koła» z udziełam hurtoŭ «Pałac», Testamentum Terrae, Unia, Rokaš, «Huda», «Lićviny», P.L.A.N. Pačatak a 18‑j. Kvitki: 20 000 papiarednie (plus kampakt‑kružełka ŭ padarunak), 25 000 — miesca za stolikam, u dzień kancerta 25 000—30 000.
Kamientary