«Fiederacyja prafsajuzaŭ nie tolki padtrymaje kandydaturu Alaksandra Łukašenki, ale i sama hatova sabrać nieabchodnuju kolkaść podpisaŭ dla vyłučeńnia dziejnaha kiraŭnika dziaržavy kandydatam u prezidenty na budučych vybarach»
— takuju zajavu zrabiŭ staršynia FPB Leanid Kozik 23 červienia na spravazdačna‑vybarčaj kanfierencyi Homielskaha abłasnoha abjadnańnia prafsajuzaŭ.
«Hetaja zajava była padtrymana ŭsimi ŭdzielnikami kanfierencyi, jakija taksama adnahałosna prahałasavali za abrańnie Alaksandra Łukašenki delehatam VI źjezda FPB. Jon adbudziecca ŭ vieraśni hetaha hoda», — paviedamiła pres‑słužba Fiederacyi prafsajuzaŭ.
Kozik zaklikaŭ prafsajuzy vobłaści aktyvizavać pracu ŭ pryvatnym siektary ekanomiki pa stvareńni tam prafsajuznych arhanizacyj. Aprača taho, jon u čarhovy raz abnarodavaŭ pazicyju FPB u dačynieńni da kalektyŭnych dahavoraŭ: «My miarkujem, što normy hetaha dakumienta pavinny raspaŭsiudžvacca tolki na členaŭ prafsajuza».
Udzieł u pracy kanfierencyi ŭziali staršynia abłvykankama Alaksandr Jakabson, pamočnik prezidenta pa Homielskaj vobłaści Ihar Prakapienka i inš.
