Heta davioŭ ekśpierymient, praviedzieny ŭ Indyjanskim univiersitecie.
Heta davioŭ ekśpierymient, praviedzieny ŭ Indyjanskim univiersitecie.
Žančyny, kolki razoŭ było takoje: jość mužčyna, jaki prypaŭ vam da serca, ale ž vam niaŭciam jak jaho zavabić? Amierykanskija navukoŭcy z univiersiteta štata Indyjana śćviardžajuć, što chutčej za ŭsio ŭ hetym vypadku navat vašaja aktyŭnaść ničoha b nie źmianiła. Čaho b vy ni zrabili, isnuje vialikaja imaviernaść, što mužčyna ŭsio adno niasłušna zrazumieje movu vašych namiokaŭ ci, peŭna, padumaje, što vy viasiołaja i svojskaja žančyna.
Žančyny flirtujuć nie mienš za mužčyn. Heta jany robiać pry dapamozie ŭparadkavańnia vałasoŭ, krasamoŭnych pozirkaŭ, panadnaj šyrokaj uśmieški dy inš. Ale ŭvaha: vielmi časta mužčyny pamylajucca ŭ rasšyfroŭcy hetych, zdajecca, niedvuchsensoŭnych namiokaŭ.
Daśledčyki z univiersiteta štata Indyjana davodziać, što bolšaść mužčyn «ślapyja» adnosna flirtu i zalotaŭ. Žančyny, u adroźnieńnie ad mužčyn, nie «nakidvajucca» na abjekt svajho žadańnia, a dasyłajuć jamu namioki i znaki, jaki siaredniastatystyčny maładzion pa-prostu nie razumieje. Daśledčyki apisali toje pa-malaŭničamu: «Mužčyny namahajucca zaryjentavacca ŭ čužym dla ich śviecie znakaŭ, nie majučy dapamožnika, jaki dapamoh usie znaki dla ich rastłumačyć».
U ekśpierymiencie brali ŭdzieł kala 300 čałaviek. Studentaŭ i studentak paprasili raźmierkavać pa katehoryjach i apisać pavodziny žančyn, kali jany: 1) vykazvajuć siabroŭskuju pryjaź, 2) sumujuć, 3) vykazajuć svaju zacikaŭlenaść u mužčynu abo kali jany 4) adprečvajuć niepryjemnaha im mužčynu. Potym studenty i studentki prahladzieli 280 fotakartak žančyn i raźmierkavali ich pa tych čatyroch katehoryjach. Vysnovy: studenty pamylalisia časta i značna čaściej za studentak. Asabliva mužčyny błytalisia pamiž prajavami hramadziejskaści i flirtavańniem.
Ale žanočyja zaloty nie dla ŭsich mužčynaŭ zastalisia pa-za vokam.
«My vyśvietlili, što
isnuje vielmi nievialiki adsotak mužčyn, jaki ŭmieła «čytaje» žanočyja znaki,— raspavioŭ Korn Frys, aŭtar ekśpierymientu.
Korn dadaŭ, što jaho ekśpierymient — jašče adzin dokaz bolš składanaj pabudovy žanočych pavodzinaŭ u pytańniach pačućciaŭ.
-
Natalla Cylinskaja: Zamužam ja była čatyry razy. My stvorany, kab nas nasili na rukach, kali krychu bujniejšaja — paklič siabra
-
Eks-zorka zbornaj Hiermanii kinuŭ viadomuju tenisistku. Jon zdradziŭ joj z televiadučaj
-
Sotni tysiač biełarusaŭ sačyli za chłopcam, jakomu dziaŭčyna dapamahała adnaŭlacca paśla strašnaj avaryi. Jany razyšlisia
Kamientary