Pasoł Dobraj voli pryjedzie ŭ Biełaruś, kab naviedać terytoryi, što paciarpieli ad katastrofy na ČAES.
Rasijskaja tenisistka Maryja Šarapava, jakaja źjaŭlajecca pasłom dobraj voli Prahramy raźvićcia AAN (PRAAN), paśla vystupleńnia na Uimbłdonskim turniry adpravicca ŭ Biełaruś, kab naviedać terytoryi, što paciarpieli ad katastrofy na ČAES.
Šarapava płanuje pryjechać u Homielskuju vobłaść, dzie jaje dabračynny fond dapamoh prafinansavać šerah prajektaŭ PRAAN, aryjentavanych na moładź, zaznačajecca ŭ pres‑relizie arhanizacyi.
U Čačersku Šarapava naviedaje Centr dziciačaj tvorčaści, vychavancy jakoha vyvučajuć ekałohiju i biaruć udzieł u prajektach pa akulturvańni horada. «Paśla hetaha jana zrobić prypynak u miedycynskaj ustanovie, u jakoj vykarystoŭvajecca terapieŭtyčny padychod da baraćby sa stresam», — havorycca ŭ paviedamleńni. Zatym tenisistka praviadzie sustreču sa studentami viadučych univiersitetaŭ krainy, jakija atrymlivajuć stypiendyi sa srodkaŭ jaje fondu.
«Ja zaŭsiody maryła zrabić svoj uniosak u praces adnaŭleńnia rehijonu, ź jakim u mianie asabistaja suviaź,
— skazała Šarapava. — Dapamahčy ludziam navučycca dapamahać samim sabie — heta sutnaść misii PRAAN, i ja ź nieciarplivaściu čakaju mahčymaści na svaje vočy ŭbačyć vyniki».
***
Šarapava naradziłasia ŭ 1987 hodzie ŭ sibirskim horadzie Niahań, kudy jaje baćki pierajechali z Homiela paśla čarnobylskaj katastrofy. Pražyŭšy dva hady ŭ Niahani, siamja pierajechała ŭ Sočy. U 1995 hodzie Maryja Šarapava pakinuła Rasiju, kab zajmacca tenisam u ZŠA. U 2004 hodzie jana vyjhrała svoj pieršy turnir Vialikaha šlema va Uimbłdonie i była pryznana hulcom hoda pavodle viersii Žanočaj tenisnaj asacyjacyi. U 2006 hodzie stała pieramožcaj adkrytaha čempijanatu ZŠA, a ŭ 2008‑m vyjhrała adkryty čempijanat Aŭstralii.
U partniorstvie z PRAAN Fond Maryi Šarapavaj akazaŭ padtrymku siami prajektam,
aryjentavanym na moładź i realizavanym u paciarpiełych rehijonach Biełarusi, Rasii i Ukrainy, a taksama finansuje ŭ Biełarusi prahramu stypiendyj dla studentaŭ — vychadcaŭ z zabrudžanych radyjenuklidami rajonaŭ.
Tenisistka stała pasłom dobraj voli PRAAN u 2007 hodzie. Jaje rola zaklučajecca ŭ «sadziejničańni dasiahnieńniu Metaŭ raźvićcia tysiačahodździa z akcentam na aktyvizacyju adnaŭleńnia terytoryj, što paciarpieli ad čarnobylskaj avaryi».
-
«Vašynhton Kepitałz» Alaksieja Protasa vyjšaŭ u druhi raŭnd Kubka Stenli
-
Trenier žanočaj zbornaj Biełarusi pa handbole: U mianie ŭ kožnaj kamandzie byli leśbijanki. Zamiłoŭvajuć sproby heta rehulavać
-
Biełaruski trenier raskazaŭ, jakuju śmiešnuju zadaču jamu pastavili ŭ čempijanacie Kitaja pa chakiei
Kamientary