Aleh Mikulčyk pryznačany hałoŭnym trenieram biełaruskaj maładziožki
45‑hadovy Aleh Mikulčyk pryznačany hałoŭnym trenieram maładziožnaj zbornaj Biełarusi pa chakiei (uzros hulcoŭ da 20 hadoŭ). Rašeńnie pryniaŭ 24 červienia staršynia Fiederacyi chakieja Jaŭhien Vorsin,
paviedamiła pres‑słužba FCHRB. Asistentam Mikulčyka budzie Ihar Kryvašłyk.
«Taki varyjant raźmierkavańnia abaviazkaŭ, pry jakim były abaronca nacyjanalnaj zbornaj Biełarusi Mikulčyk zaniaŭ by pazicyju hałoŭnaha treniera, a nastaŭnik «Junactva» Kryvašłyk — asistenta, razhladaŭsia jašče na naradzie členaŭ vykankama i kiraŭnikoŭ kłubaŭ 17 červienia», — zaznačajecca ŭ paviedamleńni.
Pryčyna: jak hałoŭny trenier kamandy Maładziožnaj chakiejnaj lihi «Junijor» Kryvašłyk nie zmoža poŭnaściu skancentravacca na pracy sa zbornaj. Razam z tym jaho «vialiki vopyt» i pastajannaja praca z kandydatami ŭ zbornuju sa składu «Junactva» buduć «vielmi zapatrabavanyja». Aleh Mikulčyk, jaki źjaŭlajecca druhim trenieram «Minskich zubroŭ» (druhi biełaruski pradstaŭnik u MCHŁ), «lepš zmoža sumiaščać pasady ŭ kłubnaj i zbornaj kamandach».
Treniery užo pačali sumiesnuju pracu. Maładziožnaja zbornaja źbiarecca ŭ Minsku, z 12 pa 18 lipienia budzie treniravacca na bazie minskaha Pałaca sportu, a zatym adpravicca ŭ šviejcarskuju Arozu, dzie praviadzie try tavaryskija pajadynki z ravieśnikami sa Šviejcaryi i Hiermanii.
Na letašnim čempijanacie śvietu ŭ hrupie V pieršaha dyvizijon maładziožnaja zbornaja Biełarusi pad kiraŭnictvam Vasila Śpirydonava zaniała druhoje miesca i nie atrymała pucioŭku ŭ top‑dyvizijon.
Kamientary