24 červienia ŭ vajennym haradku «Uručča» u Minsku ŭviedzienyja ŭ ekspłuatacyju dva 111‑kvaternyja słužbovych žyłyja damy dla supracoŭnikaŭ AMAPa.
24 červienia ŭ vajennym haradku «Uručča» u Minsku ŭviedzienyja ŭ ekspłuatacyju dva 111‑kvaternyja słužbovych žyłyja damy dla supracoŭnikaŭ AMAPa.
Jany pabudavanyja AAT «MAPID» krychu bolš čym za hod niepasredna na terytoryi bazy pałka.
U cyrymonii pryniali ŭdzieł ministr unutranych spravaŭ Anatol Kulašoŭ, načalnik mienskaj milicyi Leanid Farmahiej, staršynia Minskaha haradskoha savieta deputataŭ Michaił Savanovič, kiraŭniki administracyi Pieršamajskaha rajona stalicy, budaŭničaj kampanii, budučyja žychary.
Źviartajučysia da prysutnych, ministr zajaviŭ, što dziaržava robić usio, što ad jaje zaležyć, kab milicyja ni ŭ čym nie mieła patreby.
Pa słovach namieśnika kamandzira AMAPa Alaksandra Kaštałanava, u ekspłuatacyju zdadzienyja 222 kvatery, ź jakich na kožnym paviersie pa dźvie dvuchpakajovyja, pa adnoj adnapakajovaj i adnoj trochpakajovaj kvatery. U damy zasielenyja, dadaŭ jon, 208 supracoŭnikaŭ pałka, a taksama milicyjanty inšych padraździaleńniaŭ, jakija supracoŭničajuć z AMAPam.
«Na siońniašni dzień užo 85% asabistaha składu pałka zabiaśpiečanyja žyllom, — dadaŭ Kaštałanaŭ. — U bližejšy čas tut ža miarkujecca budaŭnictva jašče dvuch žyłych damoŭ».
Kamientary