Lider sacyjał-demakrataŭ Mikoła Statkievič nie atrymaŭ umoŭna-daterminovaha vyzvaleńnia
Dakumenty, jakija byli padrychtavanyja kiraŭnictvam papraŭčaj ustanovy ŭ Baranavičach, tak i nie dajšli da sudu.
Dakumenty, jakija byli padrychtavanyja kiraŭnictvam papraŭčaj ustanovy ŭ Baranavičach, tak i nie dajšli da sudu.
4 vieraśnia palityka pad kanvojem dastavili z Baranavičaŭ ŭ Marjinu Horku, a paśla – ŭ kamendaturu vioski Błoń. Na novym miescy jahony pracoŭny dzień doŭžycca ad 6:30 da 23:00 bieź pierapynkaŭ na abied i vychodnych.
«Pavodle takoha raskładu nie pracuje nivodny z «chimikaŭ». Ale ja vytrymaju: ja čałaviek zahartavany, maju dobruju fizyčnuju padrychtoŭku. A hałoŭnaje: adčuvaju maralnuju padtrymku maich siabroŭ i paplečnikaŭ pa sacyjał-demakratyčnaj partyi, usich ludziej, jakim darahaja Biełaruś i demakratyja», -- zajaviŭ Mikoła Statkievič.
«Za apošni miesiac mianie sprabavali napaić, a paśla vazili zdavać analiz kryvi na ŭtrymańnie alkaholu. Mianie nastojliva zaprašali paŭdzielničać u pikiecie, jaki paśla majoj admovy nie adbyŭsia. Dalej: kali ja vychodziŭ na pracu, mianie pačali kantralavać nia tolki supracoŭniki kamendatury, ale i «seksoty» miascovaha KHB. Sprabavali naładzić bojku z maim udziełam».
Pavodle Statkieviča, hałoŭnaja meta ŭładaŭ – adciahnuć datu vyzvaleńnia.
Mikoła Statkievič asudžany na 3 hady abmiežavańnia voli za arhanizacyju akcyjaŭ pratestu suprać falšavańnia vynikaŭ referendumu i parlamanckich vybaraŭ u 2004 hodzie. Bolej za hod jon adpracavaŭ u papraŭčaj ustanovie adkrytaha typu pry Baranavickim RUUS.
Kamientary