Horna-Ałtajski miescki sud pryznaŭ eks-kiraŭnika kamitetu ŭ infarmacyjnaj palitycy Respubliki Ałtaj Ałtaja Kubašava vinavatym u «pieraškodzie zakonnaj prafesijnaj dziejalnaści žurnalistaŭ».
Horna-Ałtajski miescki sud pryznaŭ eks-kiraŭnika kamitetu ŭ infarmacyjnaj palitycy Respubliki Ałtaj Ałtaja Kubašava vinavatym u «pieraškodzie zakonnaj prafesijnaj dziejalnaści žurnalistaŭ». Heta pieršy raz, kali ŭ krainie sudziać čynoŭnika, chaj i byłoha, za cenzuru ŭ ŚMI, piša ŭ aŭtorak «Kommiersant».
Pavodle rašeńnia haradzkoha sudu, eks-kiraŭnik respublikanskaha kamitetu ŭ infarmacyjnaj palitycy Ałtaj Kubašaŭ pryznany vinavatym pavodle č.2 art.144 KK («Pieraškoda zakonnaj prafesijnaj dziejalnaści žurnalistaŭ z vykarystańniem słužbovaha stanovišča»). Pavodle słovaŭ pieršaha zastupnika prakurora RA Siarhieja Šuchina, Kubašavu pryznačanaje pakarańnie na 10 miesiacaŭ źniavoleńnia ŭmoŭna z vyprabavalnym terminam na 1 hod. Aproč taho, jaho pazbavili prava zajmać dziaržaŭnyja pasady ciaham adnaho hodu.
Kryminalnuju spravu raspačali viasnoju 2005 h. paśla zvarotu hałoŭnych redaktaraŭ hazet «Źviezda Ałtaja» i «Ałtajdyn Čołmony» Siarhieja Dzienčyka i Taciany Tudzienievaj da ŭradu i dziaržaŭnaha schodu RA – zasnavalnikaŭ tych hazet. Redaktary prasili asłanić ich ad cisku z boku tahdyšniaha kuratara ŚMI Ałtaja Kubašava. Čynoŭnik, kažuć redaktary, zabaraniaŭ im publikavać materyjały pra dziejnaść šerahu deputataŭ respublikanskaha parlamentu, apazycyjnych da tahačasnaha kiraŭnika Ałtaju Michaiła Łapšyna, i patrabavaŭ raźmiaščać tolki stanoŭčyja materyjały pra dziejnaść kiraŭnika respubliki. Jak śviedčać redaktary, u zdareńni nievykanańnia tych patrabavańniaŭ spadar Kubašaŭ pryhraziŭ im źmianić umovy pracoŭnych damovaŭ.
Kubašaŭ svajoj viny nie pryznaŭ. Jon nie admaŭlaŭ vyjaśnienych śledztvam faktaŭ cenzury, ale zajaviŭ, što redaktary byli jahonymi padnačalenymi i tamu musili byli vykonvać jahonyja zahady. 25 traŭnia miravy sudździa adnaho z sudovych učastkaŭ Hornaałtajsku, razhledzieŭšy adnu z sudovych spravaŭ, nie znajšoŭ u dziejańniach abvinavačanaha składu złačynstva i apraŭdaŭ taho. Adnak prakuror respubliki Andrej Vołkaŭ dasłaŭ apelacyjny dakład u haradzki sud, jaki potym toj dakład zadavoliŭ. Kamentujučy rašeńnie sudu, zastupnik prakurora Šuchin adznačyŭ, što vyrak pavodle hetkaha artykułu začytvajecca ŭpieršyniu.
Kamientary