Minabarony Rasii stanie mabilnym apierataram?
Na častotach, jakija naležać armii, majuć zapuścić chutkasny internet.
Ministerstva abarony Rasii łabiruje vyłučeńnie častot dla mabilnaj suviazi čaćviortaha pakaleńnia (LTE) dla kampanii «Asnova telekam», zasnavanaj «Vajentelekomam» i byłym menedžaram «Hazproma» Vitalem Jusufavym. Meta — stvaryć fiederalnuju sietku dostupu ŭ internet.
Ministr abarony Rasii Anatol Siardziukoŭ źviarnuŭsia da prezidenta Dźmitryja Miadźviedziava z prośbaj pasadziejničać u vyłučeńni kampanii «Asnova telekam» častot u dyjapazonie 2,5–2,7 Hhc pa ŭsioj krainie dla stvareńnia fiederalnaj sietki mabilnaha šyrokapałosnaha dostupu ŭ internet».
Błakavalny pakiet kampanii «Asnova telekam»(25,1%) naležyć AAT «Vajentelekam», zasnavalnikam jakoha z'ŭlajecca ministerstva abarony Rasii.
Častoty ŭ dyjapazonie 2,5–2,7 Hhc zaraz zaniatyja Ministerstvam abarony, ich mierkavałasia vyzvalić dla hramadzianskich patreb i vykarystoŭvać dla budaŭnictva sietak čaćviortaha pakaleńnia pa technałohii LTE, jakaja dazvalaje zabiaśpiečvać chutkaść mabilnaha internetu da 100 Mbit/z.Na hetyja častoty taksama pretendujuć apieratary MTS, «Biłajn» i «Miehafon».
Kamientary