Akademik Rubinaŭ pra KHBisckija mietady rasijskich telekanałaŭ

U «Sovietskoj Biełoruśsii» apublikavany praścinnaha pamieru artykuł staršyni savieta respubliki nacyjanalnaha schodu Anatola Rubinava.

Što źviartaje ŭvahu, sam Rubinaŭ padpisaŭsia nie kiraŭnikom parłamienta, a prosta «akademikam». Mahčyma, heta prajava taho, što jon i sam nie nadaje značeńnia svajoj rytualnaj pasadzie.

Pačynajecca artykuł z karotkaha kursa historyi Biełarusi, napisanaha vicijevata:

«Časam kažuć, što historyja raźvivajecca pa śpirali, h.zn. paŭtarajecca na kožnym novym vitku. Byŭ čas, kali biełaruskija kniastvy vajavali z rasijskimi.

Potym pryjšoŭ saviecki čas, i na hetym vitku historyi biełarusy ŭpieršyniu paśla Vialikaha Kniastva Litoŭskaha znoŭ nabyli mahčymaść pa-sapraŭdnamu raźvivać svaju kulturu, navuku, ekanomiku, adukacyja. I ŭ hetym nam akazali sapraŭdy braterskuju dapamohu rasiejskija ludzi.

Pryčynaj abvastreńnia biełaruska-rasijskich adnosin nazyvajecca „vialikaje adroźnieńnie ŭ palityčnym aŭtarytecie našych lideraŭ“.

«U adroźnieńnie ad hetaha, ni U. U. Pucin, ni D. A. Miadźviedzieŭ nie byli zaŭvažanyja jak udzielniki pierabudovačnaha pieryjadu, kali była zroblena sproba sfarmavać novyja, bolš demakratyčnyja formy kiravańnia krainaj». Pucina ŭ kresła prezidenta „za ručku“ pryvioŭ Jelcyn, Miadźviedzieva dakładna taksama «za ručku» pryvioŭ Pucin», — kanstatuje akademik.

Rubinaŭ taksama beścić tradycyi savieckaha KDB: «Ale, jak vodzicca ŭ Rasii, jak tolki chtości siadaje ŭ kiraŭničy fatel, tut ža na poŭnuju mahutnaść ŭklučajecca administracyjny resurs. I čałaviek, jakoha raniej nichto nie bačyŭ i nie čuŭ, chutka stanovicca «pravadyrom nacyi». Treba pryznać, što supracoŭniki KDB dla ŭsiaho hetaha byli dobra navučany jašče z savieckich časoŭ», — hrymić A.Rubinaŭ.

Hałoŭnaja ž dumka artykuła Rubinava: «Infarmacyjnyja ataki na Biełaruś i jaje prezidenta staviać pad sumnieŭ nieabchodnaść praciahu supracoŭnictva ź niekatorymi rasiejskimi telekanałami».

Nahadajem, što na rasijskim kanale NTV napiaredadni samita ŭ Kazachstanie kiraŭnikoŭ dziaržaŭ Rasiei, Biełarusi i Kazachstana pakazali dakumientalny film, poŭny źniščalnaj krytyki prezidenta Łukašenki. Film nazvali «Chrosny baćka».

U filmie biełaruski lider pakazany jak žorstki, biespryncypovy, iłžyvy čałaviek. Było raskazana historyja pra toje, jak jon zabraŭ syna i vyhnaŭ svaju «kachanku Irynu Abielskuju». Słova «kachanka» było naŭprost skazana ŭ efiry telekanała, taksama pakazali maci Iryny.

NTV sabrała ŭsie praŭdzivyja cytaty Łukašenki: i pra Skarynu ŭ Piciery, i pra vieršy Bykava, i pra Hitlera.

NTV padniała taksama ŭsie historyi ab źnikłych ludziach. Aŭtary filma nie namiakali, a adkryta vinavacili kiraŭnika Biełarusi ŭ hetych źniknieńniach i vykradańniach. Padrabiazna raskazali pra toje, jak prynižajecca i źniščajecca apazicyja ŭ Biełarusi.

Aŭtary raspaviali pra toje, kolki Rasieja zapłaciła za režym u Biełarusi, pra zatračanyja na padtrymku Łukašenki 55 miljardaŭ dalaraŭ.

• 0
• 0
• 0
• 0
• 0
• 0
• 0
• 0