Papularny multsieryjał dla darosłych «Futurama» raspačaŭ svoj 6-y siezon. Heta budzie 26-sieryjny hod i jak zaŭsiody «Futurama» budzie iści na kanale Comedy Central. U Siecivie ŭžo možna pahladzieć pieršyja dźvie sieryi.
«Futurama» — aŭtarstva pładavitaha baćki «Simpsanaŭ» Meta Hroninha. Sieryjał raspaviadaje futurystyčnuju historyju niezvyčajnaha kalektyva ź firmy mižzorkavaj dastaŭki «Futurama». Zahornutaja ŭ žanr psieŭdanavukovaj fantastyki mulstužka mocna «najazdžaje» na biaźlitasnaść sučasnaha hramadstva, kranajučy temy niezajzdrosnaj budučyni čałaviectva. Razam z tym u sieryjale staje daścipnaha humaru. Časam adnavokija, časam biez vačej, a časam zusim nie ludzi, hałoŭnyja hieroi Fraj, Łajła, Bender, a taksama prychadzień z kosmasu doktar Cojdbierh źjaŭlajucca taksama ŭ čatyroch poŭnamietražnych filmach, kožny ź jakich čaplaje novaje sacyjalnaje pytańnie.
«My ŭściešanyja, što Met Hroninh i Dejvid Koen pahadzilisia, u hetym Suśviecie ŭ ich jašče zastałosia šmat nieraspaviedzienych historyjaŭ», — skazana ŭ aficyjnaj zajavie, kiraŭnikoŭ telekampanii «Foks». A Met Hroninh dadaŭ: «Zastałosia pratrymacca 25776 sieryjaŭ, i my nahonim čas dziejańnia sieryjału, 3000-y hod».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary