BRSM rekłamuje film «Chrosny baćka» z dapamohaj śmiećcia i kału
Takim čynam jany pratestujuć suprać kanała NTV. Niečakana dla BRSMaŭcaŭ ludzi staršych hadoŭ pačali vykazvać svaju salidarnaść z NTV.
U aŭtorak na praśpiekcie Niezaležnaści ŭ Minsku aktyvisty BRSM raźmiaścili na śmiećcievych bakach prypynkaŭ nalepki «Śpiecyjalna dla NTV!».
A kala ŭvachodu na Kamaroŭski rynak aktyvisty zładzili pierformans «Aściarožna! Śmiardzić KAnaŁ NTV!» Słova «kał» vyłučałasia na fonie słova «kanał».
«U apošni čas rasiejski telekanał NTV, nie pierastaje lić brud na našu krainu, — napisaŭ sajt arhanizacyi. — Ciapier abjektam smurodu repartažaŭ kanała staŭ kiraŭnik biełaruskaj dziaržavy».
Niečakana dla BRSMaŭcaŭ ludzi staršych hadoŭ pačali vykazvać svaju salidarnaść z NTV. Heta adziny kanał, dzie praŭdu pačuješ, kazali jany. Ludzi abvinavacili BRSMaŭcaŭ, što jany słužać Łukašenku. BT usio padmanvaje, kazali jany.
Inšyja ž ludzi achvotna brali aśviažalniki pavietra i tualetnuju papieru, jakija razdavali BRSMaŭcy.
Kali b anałahičny pierformans zładzili praciŭniki Łukašenki, ich by zaraz ža zavieźli ŭ katałažku. BRSM ža pratestavaŭ suprać NTV svabodna.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary