U Minsku pačałosia budaŭnictva hatela dla žyvioł
Jon budzie raźličany na 72 miescy.
U Minsku pačałosia budaŭnictva hatela dla žyvioł, paviedamiŭ dyrektar minskaha pradpryjemstva pa časovym utrymańni žyvioł «Fauna horada» Juryj Lipnicki.
Pavodle jaho słoŭ, pierad budynkam «Fauny horada» (vulica Hurskaha, 42) AAT «Minskrambud» užo ŭstanaviła budaŭničyja bytoŭki, rabočyja źbirajucca aharadzić terytoryju i pačać kapać katłavan. Płanujecca, što budaŭnictva hatela zojmie dva hady.
Jak paviedamiŭ Lipnicki, hatel raźmieścicca na płoščy pryblizna 1,2 ha.
Jon budzie raźličany na 72 miescy: 36 — dla sabak i stolki ž dla katoŭ.Znosiny žyvioł buduć abmiežavanyja: numary dla sabak płanujecca raździalić sietkavataj pieraharodkaj, dla katoŭ — płastykavaj ścienkaj. Dla ŭsich 36 sabak buduć praduhledžany asobnyja valjery dla vyhułu.
Asabliva patrabavalnyja haspadary zmohuć raźmiaścić svaich hadavancaŭ u numary luks: pa try dla katoŭ i sabak.Heta buduć asobnyja prastornyja pakoi.
Pavodle słoŭ Lipnickaha, u hateli taksama buduć akazvać pasłuhi pa lačeńni žyvioł, ich myćciu, stryžcy i, mahčyma, dresiroŭcy.
Śpiecyjalist nie zmoh skazać pra košt pasłuh hatela. Adnak, pavodle jaho słoŭ,
płanujecca praduhledzieć dva varyjanty: utrymańnie, pry jakim korm daje haspadar, i utrymańnie ź ježaj, pryhatavanaj kucharami hatela.
Na kožnaha pastajalca budzie zaviedziena kartka, u jakoj ukazany źviestki pra haspadara, mianuška žyvioliny, źviestki pra pryščepki i pieraniesienyja infiekcyjnyja zachvorvańni. Pamiž haspadarom žyvioliny i administracyjaj hatela budzie zaklučany dahavor, jaki praduhledžvaje abaviazacielstva hatela viarnuć žyviolinu «zdarovaj i cełaj».
Jak zaznačyŭ Lipnicki, praduhledžvajecca, što hatel budzie akazvać pasłuhu braniravańnia numaroŭ zahadzia, za niekalki miesiacaŭ da mahčymaj daty adjezdu haspadara.
Dyrektar «Fauny horada» nahadaŭ, što
pradpryjemstva inicyjuje stvareńnie ŭ Minsku mohiłak dla žyvioł.Čakajecca, što jany buduć raźmiaščacca za Minskaj kalcavoj aŭtadarohaj, jak miarkujecca, za vioskaj Mały Traścianiec. Vydzialeńnie ŭčastka dla pachavańnia i rytualnyja pasłuhi buduć płatnymi.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ12
Kamientary