Viarchoŭnaja rada zakanadaŭča zaćvierdziła biaźjadzierny status Ukrainy. Za pryniaćcie pastanovy «Ab zajavie Viarchoŭnaj rady Ukrainy «Biaźjadziernamu statusu Ukrainy — realnyja harantyi» prahałasavali 345 deputataŭ z 429 zarehistravanych.
Zhodna z pastanovaj, kabiniet ministraŭ Ukrainy pavinien zabiaśpiečyć padrychtoŭku mižnarodna-pravavoha dakumienta, nakiravanaha na raźvićcio pałažeńniaŭ Budapiešckaha miemaranduma i stvareńnie realnych mižnarodna-pravavych harantyjaŭ nacyjanalnaj biaśpieki biaźjadziernaj Ukrainy, ažyćciavić nieabchodnyja kroki i pracedurnyja farmalnaści adnosna jaho razhladu i padpisańnia viadučymi jadziernymi dziaržavami śvietu — RF, Vialikabrytanijaj, ZŠA, KNR i Francyjaj.
Nahadajem, na krasavickim samicie pa pytańniach jadziernaj biaśpieki ŭ Vašynhtonie prezident
Viktar Janukovič zajaviŭ, što Ukraina za dva hady pazbavicca ad reštak vysokaŭzhabačanaha ŭranu.Mienavita paśla hetaha Ukraina kančatkova zdabudzie status biaźjadziernaj dziaržavy.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)