Aktyvistka apazicyi była zatrymanaja padčas razdačy haziety «Svabodnyja naviny plus» na terytoryi, prylehłaj da zavodu «Liftmaš».
Sudździa Leninskaha rajona Mahilova Śviatłana Saroka vyniesła rašeńnie na pozvu vałanciora kampanii «Havary praŭdu» Aksany Samujłavaj ab naniasieńni cialesnych paškodžańniaŭ načalnikam achovy zavoda «Liftmaš». Paciarpiełaja aštrafavanaja na 350 tysiač rubloŭ.
Incydent adbyŭsia 19 traŭnia padčas razdačy zarehistravanaj haziety «Svabodnyja naviny plus» na terytoryi, prylehłaj da zavodu «Liftmaš». Pa słovach Samujłavaj,
načalnik achovy pradpryjemstva Šułaŭ razam z dvuma kalehami adabraŭ u dziaŭčyny 15 haziet i siłkom dastaviŭ jaje ŭ budynak administracyi zavodu.Tam Aksanu suprać jaje voli pratrymali kala hadziny, paśla čaho pieradali milicyi.
Na nastupny dzień dziaŭčyna zrabiła ekśpiertyzu pabojaŭ i padała zajavu ŭ sud. Adnak padčas sudovaha pasiadžeńnia paciarpiełym abviaściŭ siabie adkazčyk. Akazałasia, što
načalnika achovy Šułova, mužčynu mocnaha ciełaskładu, byłoha milicyjanta, u prysutnaści dvuch supracoŭnikaŭ achovy zavoda źbiła dalikatnaja dziaŭčyna.
Sudździa paličyła, što vina načalnika achovy nie dakazanaja, a chulihanskija dziejańni dziaŭčyny vahoj 48 kiłahramaŭ u najaŭnaści.
— Mianie aštrafavali za toje, što ja nibyta jamu nanosiła paboi, — paviedamiła «Salidarnasci» Aksana Samujłova. — Niby ja biehła za Šułavym, biła jaho kułakami pa śpinie, kab adabrać 15 haziet, i ad hetaha ŭ jaho ŭtvarylisia drapiny, pryčym hłybokija — daŭžynioj pa 10 santymietraŭ i z adpadajučaj korkaju. Ale ni adzin sa śviedkaŭ Šułava nie pakazaŭ, što ja jaho biła pa śpinie. Adzinaje, pra što jany kazali, dyk heta pra toje, što ja jaho torhała za kašulu.
Tym nie mienš, sudździa ŭziała bok adkazčyka.
— Choć jana sama śmiajałasia, kali śviedki Šułava davali pakazańni, bo jany kazali adkrytuju łuchtu. Usie ŭ zale śmiajalisia. Było, na samoj spravie, jak na cyrkavym vystupleńni, — raspaviała Aksana Samujłava.
Dziaŭčyna maje namier abskardzić rašeńnie suda.Ale nadziei na spraviadlivaść u Aksany zastałosia niašmat.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary