Moładzievyja arhanizacyi pieradali svaje prapanovy raspracoŭščykam zakona ab AHS
7 lipienia ŭ Miensku adbyłasia prezientacyja prapanoŭ moładzievych arhanizacyj i pravaabaroncaŭ pa źmiestu prajekta zakona ab alternatyŭnaj słužbie, što maje być pryniatym uvosień.
«U prapanovach sfarmulavany najbolš važnyja dla nas pryncypy budučaha zakona.
My nastojvajem na zajaŭnym pryncypie atrymańnia AHS, terminie słužby, nie bolš čym u paŭtary razy pieravyšajučym termin vajskovaj, vyklučna hramadzianski charaktar słužby i mnohija inšyja momanty, jak naprykład, prava na samastojny vybar miesca prachadžeńnia słužby, prava na zamienu dadzienaha miesca, pracoŭnyja i sacyjalnyja harantyi asobam, što prachodziać AHS.Ministerstva pracy, adkaznaje za raspracoŭku zakanaprajekta ab AHS, nie raz dekłaravała hatoŭnaść da supracy z hramadskaściu. Zaraz krok za imi», — ličyć aktyvist kampanii «Za AHS ŭ Biełarusi» Fiedar Maślenikaŭ
Aŭtory prapanovaŭ— pradstaŭniki moładzievych arhanizacyj («Hramadzianski Forum», «Maładyja demakraty», «Ruch Budučyni», «Małady front»), pravaabaroncy («Centr pravavoj transfarmacyi», «Biełaruski Chielsinkski kamitet»), studenty i inšyja zacikaŭlenyja asoby.
Paśla prezientacyi prapanovy byli nakiravany va ŭradavuju pracoŭnuju hrupu.
Kamientary