Mužčynu, jak prataraniŭ piać aŭtamabilaŭ, vidavočcy złamali nos.
Haračaje nadvorje honić hrodziencaŭ na pryrodu bližej da vadajoma. Praŭda, nie ŭsie mohuć adpačyvać narmalna. Chtości pryjazdžaje na voziera na aŭtamabili i nie saromiejučysia ŭžyvaje ałkahol, kab potym sieści za rul i źjechać dadomu.
Učora na karjerach ŭ Hožy (vioska niepadalok ad Hrodna) adbyłasia mienavita takaja historyja, u jakoj paciarpieli 5 aŭtamabilaŭ (u adnym ź ich znachodziłasia dzicia) i kiroŭca, što ŭčyniŭ avaryju.
Vidavočcy zdareńnia naładzili samasud nad vinavatymi prosta na miescy. Za rulom «Krajślera» siadzieŭ małady čałaviek u stanie ałkaholnaha apjanieńnia. «Krajśler» spačatku stuknuŭsia ŭ «Opiel Astra», praktyčna vyrvaŭ piaredniaje pravaje koła, źmiaŭ kryło, raźbiŭ faru i sarvaŭ bampier, zatym udaryŭ u «Kia» i zaviaršyŭ ruch ab bok «Piežo 406», šturchnuŭšy jaho na «Tajotu Aviensis», jakaja ad udaru adskočyła na 40 santymietraŭ. Samaje strašnaje, što ŭ momant taranaŭ u «Piežo» siadzieła maleńkaja dziaŭčynka.
Pavodle śviedkaŭ zdareńnia, paśla pieršaha sutyknieńnia kiroŭca «Krajślera» sprabavaŭ pakinuć miesca avaryi. Adnak dva mužčyny raźbili jamu tvar u kroŭ, złamaŭšy pry hetym nos. Darečy, i kiroŭca, i pasažyr «Krajślera» byli pjanyja.
Na hrodzienskim forumie s13, dzie źjaviłasia apisańnie hetaj historyi, amal usie kamientatary ličać samasud pravilnym rašeńniem u dadzienaj situacyi.
