Fest ukrainskich nacyjanalistaŭ adbudziecca 7–8 žniŭnia pad Łuckam.
Čaćviorty fest ukrainskaj alternatyŭnaj muzyki i sučasnaha ukrainskaha mastactva «Banderštat» adbudziecca 7–8 žniŭnia pad Łuckam, u vioscy Rakini.
Štohadovaje mierapryjemstva ładzicca ŭ honar nacyjanalnaha hieroja Ukrainy Ściapana Bandery, jaki źjaŭlajecca simvałam festu. Na dva dni zvyčajnaja ukrainskaja vioska pieraŭtvarajecca ŭ sapraŭdny horad — horad Bandery.
Arhanizatary staviać metaju dać moładzi adčuć paŭstancki duch. Tym nie mienš, natchnicca ducham paŭstańnia dy pasłuchać ukrainskuju muzyku pryjazdžajuć i biełarusy.
Niaźmiennym arhanizataram imprezy vystupaje moładzievaja hramadskaja arhanizacyja «Nacyjanalny Aljans». Tradycyja śviatkavańnia raspačynajecca z 2007 hoda. U minułyja hady, aproč vystupu muzykaŭ adbyvalisia vystavy, spartovyja mierapryjemstvy, litaraturnyja čytanki i vystupy historykaŭ.
Sioleta, siarod inšych, arhanizatary płanujuć zaprasić z vystupam biełaruskaha repiera Vinsenta.
Ściapan Bandera — ideołah ukrainskaha nacyjanalizmu, kiraŭnik Arhanizacyi ŭkrainskich nacyjanalistaŭ (AUN), jakaja prapaviedavała ŭzbrojenuju baraćbu za niezaležnaść. Prezident Ukrainy Viktar Juščanka nadaŭ Banderu zvańnie Hieroja Ukrainy. Takoje rašeńnie Juščanki vyklikała nieadnaznačnuju reakcyju jak na Ukrainie, tak i na mižnarodnym uzroŭni.
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant10
Kamientary