Uładalnikam Hran‑pry XIX Mižnarodnaha konkursu vykanaŭcaŭ estradnaj pieśni «Viciebsk‑2010», jaki prachodziŭ na fiestyvali mastactvaŭ «Słavianski bazar u Viciebsku» staŭ Damir Kiedža z Charvatyi.
Uładalnikam Hran‑pry XIX Mižnarodnaha konkursu vykanaŭcaŭ estradnaj pieśni «Viciebsk‑2010», jaki prachodziŭ na fiestyvali mastactvaŭ «Słavianski bazar u Viciebsku» staŭ Damir Kiedža z Charvatyi.
Na praviedzienaj ŭ Viciebskaj abłasnoj fiłarmonii cyrymonii ŭznaharodžańnia pieramožcaŭ konkursu Damiru Kiedža byli ŭručany Hran‑pry ŭ pamiery $10 tys., śpiecyjalny pryz «Lira», a taksama dypłom uładalnika Hran‑pry konkursu. Pieršuju premiju konkursu žury pad staršynstvam narodnaj artystki Ukrainy Taisii Pavalij prysudziła Łašu Ramišvili z Hruzii, jaki ŭsiaho dva bały ŭstupiŭ pieramožcu. Jamu dastalisia $6 tys., pryz «Lira» i dypłom.
Druhuju premiju konkursu žury padzialiła pamiž Anait Šachbazian z Armienii i ŭkrainkaj Inaj Voranavaj, a treciuju premiju — pamiž Dzinaraj Sułtanhalijevaj z Kazachstana, Dzianisam Viaršenkam ź Biełarusi i Joce Panavym z Makiedonii.
Łaša Ramišvili ŭdastojeny pryza imia Uładzimira Mulavina.Jon prysudžajecca za lepšaje ŭvasableńnie nacyjanalnaj temy, vobraznaść i emacyjanalnaść u adlustravańni ŭ tvorach, što vykonvajucca, aŭtarskaj temy. Śpiecyjalnyja pryzy Parłamienckaha schodu Sajuznaj dziaržavy «Lepšamu vykanaŭcu estradnaj pieśni ad Respubliki «Biełaruś» i «Lepšamu vykanaŭcu estradnaj pieśni ad Rasijskaj Fiederacyi» atrymali Dzianis Viaršenka i Hanna Małyšava. Miždziaržaŭny fond supracoŭnictva dziaržaŭ — udzielnic SND uznaharodziŭ Dzinaru Sułtanhalijevu i Anait Šachbazian siertyfikatam na prava zapisu solnaha alboma. Astatnija kankursanty atrymali zvańni dypłamantaŭ XIX Mižnarodnaha konkursu vykanaŭcaŭ estradnaj pieśni «Viciebsk‑2010», a taksama vialikuju kolkaść pryzoŭ ad sponsaraŭ.
Upieršyniu ŭ historyi fiestyvalu «Słavianski bazar» i konkursu vykanaŭcaŭ estradnaj pieśni «Viciebsk» uładalnikam Hran‑pry staŭ pradstaŭnik suvierennaj Charvatyi.
Pieramožca konkursu prymie siońnia ŭdzieł va ŭračystaj cyrymonii zakryćcia XIX Mižnarodnaha fiestyvalu mastactvaŭ «Słavianski bazar u Viciebsku».
U XIX Mižnarodnym konkursie vykanaŭcaŭ estradnaj pieśni «Viciebsk‑2010» prymali ŭdzieł 19 kankursantaŭ.
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Kamientary