Sańnikaŭ, Šuškievič, Labiedźka patrabujuć mižnarodnaha rasśledavańnia spravaŭ źnikłych
Biełaruskija apazicyjnyja palityki majuć namier źviarnucca ŭ AAN i Jeŭraparłamient z metaj inicyiravańnia mižnarodnaha rasśledavańnia pa spravie źnikłych.
Biełaruskija apazicyjnyja palityki majuć namier źviarnucca ŭ AAN i Jeŭraparłamient z metaj inicyiravańnia mižnarodnaha rasśledavańnia pa spravie źnikłych.Takuju zajavu ŭ piatnicu zrabili kaardynatar «Jeŭrapiejskaj Biełarusi» Andrej Sańnikaŭ, kiraŭnik BSDH Stanisłaŭ Šuškievič, lider AHP Anatol Labiedźka, kiraŭnik partyi «Spraviadlivy śviet» Siarhiej Kalakin, namieśnik staršyni Partyi BNF Ryhor Kastusioŭ, a taksama kiraŭnik Minskaj haradskoj arhanizacyi BNF Viktar Ivaškievič.
Pres‑kanfierencyja vyklikała vialikuju cikavaść. Pryjšli na jaje nie tolki pradstaŭniki rasijskich telekanałaŭ, ale i Biełaruskaha telebačańnia.
Andrej Sańnikaŭ zaznačyŭ, što adnoj z nahod hetaha mierapryjemstvaŭ staŭ film «Chrosny baćka», pakazany na NTV. «Źjaviŭsia šaniec pasunuć rasśledavańnie źniknieńniaŭ viadomych ludziej. Moža źjavicca i novaja infarmacyja.U 2005 hodzie pry AAN była stvoranaja admysłovaja kamisija pa spravie rasśledavańnia zabojstva livanskaha premjera Charyry. My budziem damahacca padobnaha», — kaža A.Sańnikaŭ.
Anatol Labiedźka havoryć, što jahonaja partyja ŭžo na nastupny dzień paśla pakazu filmu «Chrosny baćka» źviarnułasia ŭ Hienieralnuju prakuraturu z metaj zaviadzieńnie kryminalnaj spravy pa faktach, što byli ahučanyja ŭ prahramie NTV, albo zavieści spravu na žurnalistaŭ. «Vasilevič maŭčyć, ale nie značyć, što pavinny maŭčać astatnija. Heta taksama budzie harantyjaj biaśpieki dla tych palitykaŭ, što źbirajucca ŭdzielničać u prezidenckich vybarach sioleta».
Siarhiej Kalakin spyniŭsia na tym, što tema źniknieńniaŭ palitykaŭ i žurnalistaŭ nieadnarazova padymałasia na sustrečach z rasijskimi partniorami. «Ale ŭsio 11 hadoŭ Rasija nie prymała aktyŭny ŭdzieł u rasśledavańni.
Chutčej za ŭsio, kali ŭličyć ciesnyja suviazi biełaruskich i rasijskich śpiecsłužb, u Maskvie vałodajuć bolš šyrokaj infarmacyjaj pa hetych źniknieńniach», — kaža S.Kalakin.
Stanisłaŭ Šuškievič ličyć, što biełaruskija palittechnołahi sprabujuć pačać u Biełarusi antyrasijskuju rytoryku.
«Nie moža Rasija być našym voraham, my susiedzi. Nam kažuć, što Łukašenka harant niezaležnaści, ale nie moža być harantam čałaviek, jaki nie raźbirajecca ŭ biełaruskaści, movie, historyi. Nas taki kiraŭnik nie moža pryvieści da niezaležnaści».
Viktar Ivaškievič paviedamiŭ, što siońnia ŭ Minharvykankam padajecca zajaŭka na mitynh i šeście na 16 žniŭnia z patrabavańniem rasśledavańnia spravaŭ źnikłych. Akcyja maje prajści ad 18 da 20 hadziny pa maršrucie Akademija navuk — plac Voli.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary