Zranku 16 lipienia adbyŭsia sud nad moładzievym aktyvistam Andrejem Kimam, jaki arhanizoŭvaŭ u hadavinu Hrunvaldskaj bitvy «Boj paduškami» la Nacyjanalnaj biblijateki.
Zranku 16 lipienia adbyŭsia sud nad moładzievym aktyvistam Andrejem Kimam, jaki arhanizoŭvaŭ u hadavinu Hrunvaldskaj bitvy «Boj paduškami» la Nacyjanalnaj biblijateki. Chłopcu prysudzili ŭ Pieršamajskim RUUS h. Minsku minimalny štraf u pamiery 17 500.
«U RUUS prajechaŭsia adzin va ŭsim aŭtobusie. Pieršy raz u maim žyćci adbyłosia absalutna narmalnaje zatrymańnie i supracoŭniki milicyi dziejničali cyvilizavana. Navat chaču padziakavać milicyjantam ź pieršamajskaha RUUS za prystojnyja pavodziny,» — apaviadaje Andrej Kim.
«Bajacca padušak i za heta previentyŭna zatrymlivać — heta ŭžo kliničnaja chvaroba», — miarkuje Andrej Kim. Cikava, što zatrymanych la biblijateki a 18‑aj hadzinie milicyjanty padmanuli, paviedamiŭšy, što adviazuć u inšaje miesca, dzie adbudziecca sankcyjanavany boj paduškami. Previentyŭna zatrymana było kala 130 čałaviek, heta samaje masavaje zatrymańnie za apošnija try hady, zaznačajuć pravaabaroncy.
Sudździa Łuška pahadziŭsia z prapanovaju i bieź lišnich vahańniaŭ vynies adpaviedny prysud.15 lipienia paśla akcyi junaka zatrymali i advieźli ŭ RUUS, dzie skłali pratakoł za ŭdzieł u niesankcyjanavanym mierapryjemstvie. Na sudzie Andrej Kim padaŭ chadajnictva, dzie prasiŭ prysudzić jamu minimalny štraf u pamiery pałovy bazavaj vieličyni.
«Byŭ hatovy da administracyjnaha štrafu i ja jaho atrymaŭ, — kamientuje Andrej. — Spadziajusia, nastupny raz boj paduškami projdzie narmalna i budzie sankcyjanavanym. Nie chočacca padstaŭlać ludziej, jakija pryjduć na akcyju». Arhanizatary boju paduškami źbirajucca adrazu padavać nastupnuju zajavu na padobnaje mierapryjemstva i rabić heta, pakul jaho nie dazvolać. Moładzievyja aktyvisty buduć namahacca da 8 vieraśnia — Dnia biełaruskaj vajskovaj słavy — zładzić dazvolenaje Minharvykankamam mierapryjemstva.
Nakont praviedzienaj nočy ŭ RUUS Andrej Kim žartuje: «U mianie paduška była — usio narmalna».
Pa dadzienych milicyjantaŭ u bojcy paduškami 15 lipienia pryniało ŭdzieł 300 — 400 čałaviek, udzielniki mierapryjemstva śćviardžajuć, što ich było, prynamsi, u dva razy bolš.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary