Vyznačylisia imaviernyja supierniki biełaruskich kłubaŭ u trecim etapie Lihi Jeŭropy.
Vyznačylisia imaviernyja supierniki biełaruskich kłubaŭ u trecim etapie Lihi Jeŭropy.
Mahčymym supiernikam mahiloŭskaha «Dniapra» moža stać češski «Bańnik» z Astravy.
Nahadajem, što «Dniapro» ŭ pieršaj hulni zhulaŭ uničyju 2:2 u haściach z narviežskim «Stabiekam». A voś «Bańnik» taksama ŭ haściach razhramiŭ hruzinski kłub «Vit‑Džordžyja» — 6:0.
Z čechami biełarusy ŭ jeŭrakubkach pierasiakalisia čatyry razy. I tolki adnojčy vychodzili pieramožcam. Apošniaje supraćstajańnie z čechami zafiksavanaje ŭ 2005 hodzie, kali hrodzienski «Nioman» u Kubku Intertota prajhraŭ «Źlinu».
Minskamu «Dynama», jakoje amal zabiaśpiečyła sabie vychad u treciaje koła Lihi Jeŭropy paśla pieramohi nad estonskim «Kalevam», u supierniki trapiŭsia izrailski «Makabi» z Chajfy.
Z «Makabi» (Chajfa) našy kłuby pierasiakalisia dvojčy. Spačatku ŭ 2000 hodzie supiernikam izrailician u Kubku UEFA była mazyrskaja «Słavija». Kamandy dvojčy zhulali ŭničyju, ale za košt hołu na čužoj placoŭcy dalej prajšło «Makabi».
A praz dva hady Chajfa trapiłasia ŭ supierniki pa Lizie čempijonaŭ da babrujskaj «Biełšyny». Biełarusy byli dvojčy bityja — 0:1, 0:4.
Nu ale z najbolš hroznym supiernikam moža syścisia žodzinskaje «Tarpieda». U vypadku pieramohi nad sierbskim OFK, jany traplajuć na turecki «Hałatasaraj».
Ciapier čytajuć
Dzie była źnikłaja Jana ŭ svoj apošni dzień i dzie jaje znajšli KARTA3
Kamientary