Dzie ŭ Biełarusi zabaroniena kupacca

Pastanovy na zabaronu kupańnia vyniesieny ŭ dačynieńni da 32 miescaŭ masavaha adpačynku, paviedamlaje Respublikanski centr hihijeny, epidemijałohii i hramadskaha zdaroŭja.

Tak, u Bresckaj vobłaści zabaroniena kupacca ŭ 13 miescach adpačynku. Heta zona adpačynku voziera Kaciera Kamianieckaha rajona, plaž raki Lasnaja ŭ Kamiancy, vadajom azdaraŭlenčaha łahiera «Čajka» Lachavickaha rajona, miesca adpačynku la vady vioski Alšany Stolinskaha rajona, plaž «Centralny» ŭ Breście, zona adpačynku raki Ščara ŭ vioscy Darava Lachavickaha rajona, zona adpačynku raki Viedźma ŭ Lachavičach, haradski plaž na voziery Vizžar ŭ Žabincy, zona adpačynku sanatoryjaŭ «Buh» i «Nadzieja» na race Muchaviec Žabinkaŭskaha rajona, zona adpačynku sažałki «Pałonka», na vadajomie «Pavlinovo» i na vadaschoviščy «Myšanka» Baranavickaha rajona.

U Homielskaj vobłaści taksama nielha kupacca ŭ 13 miescach. Šeść ź ich zakryty z-za adsutnaści abstalavanaj plažu. Heta zona adpačynku vadajoma pasiołkaŭ Kamunaraŭ, Duravičy, Kryŭsk, Kašalova, Krasnaje Znamia i Patapaŭka Buda-Kašaloŭskaha rajona. Try zony adpačynku ŭ Dobrušy zakryty ŭ suviazi z pačatkam rabot pa ačystcy i pahłybleńni raki Ipuć — plažy «Kamiaha» i «Haradski», a taksama miesca adpačynku ŭ rajonie nabiarežnaj. Z-za nieadpaviednaści probaŭ vady pa mikrabijałahičnych pakazčykach zabaroniena kupacca ŭ haradskim parku «Pieramoha» ŭ Kalinkavičach, na voziery «Kamaryn», a taksama dvuch miescach na race Dniepr (2-j mikrarajon i rajon vyratavalnaj stancyi) u Rahačovie.

U Viciebskaj vobłaści zabarona na kupańnie vyniesieny ŭ zonie adpačynku voziera Janava Połackaha rajona, aziory Ščaty, Homiel i Suja Połackaha rajona. U Mahiloŭskaj vobłaści zabaroniena kupacca na haradskich plažach na race Dniepr u Mahilovie i Škłovie. Asnoŭnaja pryčyna zabarony kupańnia — nieadpaviednaść probaŭ vady pa mikrabijałahičnych pakazčykach, to jość pieravyšeńnie dapuščalnaha ŭtrymańnia kišečnych pałačak, zdolnych vyklikać kišačnyja razłady.

Razam z tym, zabarony na kupańnie pakul nie vynosilisia ŭ Minsku, Minskaj i Hrodzienskaj abłaściach. Pa stanie na 7 lipienia było zabaroniena kupacca ŭ 29 miescach masavaha adpačynku.

• 0
• 0
• 0
• 0
• 0