Śpiarša krychu likbiezu. Ceksałohija — heta nie tolki vid urałohii abo psichičnaj terapii. Seksałohija — šmatdyscyplinarnaja navuka, jakaja vykarystoŭvaje dadzienyja šerahu sumiežnych dyscyplin: bijałohii, miedycyny, psichałohii, i navad sacyjałohii. Jaje adhalinavańnie, miedyčnaja seksałohija, zajmajecca prafiłaktykaj, dyjahnostykaj i lekavańniem razładaŭ zdaroŭja, źviazanych z seksualnymi pavodzinami. A jak mietadaŭ u seksałohii zbor-kalada, dyk i lekavańnie razładaŭ budzie kompleksnym: ad miedykamientoznaha da psichałahičnaha. I nie zabudziemcia pra fizijaterapiju.
Padstavami dla zvarotu da seksołaha źjaŭlajucca źnižeńnie połavaha pociahu jak u mužčyn tak i ŭ žančyn, prablemy erekcyi, zaŭčasnaje vyvalnieńnie, vahinizm, balučy połavy akt, adsutnaść seksualnaha zadavalnieńnia i arhazmu, razład u šlubie na seksualnaj hlebie.
Pieršy čym kidacca na daražeznyja rekłamavanyja preparaty, jakija čaściakom źmiaščajuć pieravažna časnok i piatrušku, — chaj sabie hranulavanyja i rassypanyja pa pryhožych słoikach, — varta śpiarša źviarnucca da seksołaha.
1. Seksałahičny centr. Dastatkova nabrać numar rehistratury adździaleńnia seksałohii 8-017-299-58-98 i zapisacca na pryjom. Samo adździaleńnie znachodzicca na Miendzialejeva, 4. Raskład pracy: paniadziełak-piatnica, z 8 da 20.
Kansultacyja lekara-śpiecyjalista dla minčukoŭ — zadarma, ale bolš daśviedčany zahadčyk adździaleńnia voźmie z vas 8740 r. Za siamiejnuju pischaterapiju daviadziecca płacić 11 540 r. Praciah lekavańnia — płatny. Ale ceny dosyć nievysokija: 7 da 17 tysiač za psichałahičnyja i pracedurnyja pasłuhi, ad psichaterapii da masažu prastaty.
2. Seksałahičny kabiniet dla žycharoŭ Minskaj vobłaści. Pryjom biaspłatny. Zapis pa telefonie: 8-017-292-01-57 (Minsk, Broŭki, 7).
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka9
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
Pravakatarka, jakaja razhulvaje pa Breście z rasijskim Z-ściaham — supracoŭnica Kamiteta sudovych ekśpiertyz9
Kamientary