Pavodle sajta, jaki prasłaviŭsia publikacyjaj afhanskich sakretaŭ ZŠA, padtrymka ZŠA niedziaržaŭnych arhanizacyj Biełarusi ŭ 2008 i 2009 hadach składała kala $10 miljonaŭ.
Pavodle sajta, jaki prasłaviŭsia publikacyjaj afhanskich sakretaŭ ZŠA, padtrymka ZŠA niedziaržaŭnych arhanizacyj Biełarusi ŭ 2008 i 2009 hadach składała kala $10 miljonaŭ.
Na sajcie wikileaks.org vykładzieny ŭ svabodny dostup analityčny artykuł-dakład «Biełaruś: pieradumovy amierykanskaj palityki» («Belarus: Background and U. S. Policy Concerns»), jaki datujecca 14 kastryčnika 2008 hoda. Jaho aŭtar — śpiecyjalist pa jeŭrapiejskich spravach adździeła mižnarodnych spraŭ, abarony i handlu Daśledčaj słužby Kanhresa Styvien Vureł (Steven Woehrel) — daje poŭnuju karcinu sacyjalna-ekanamičnaha žyćcia Biełarusi.
Siensacyj niama — spačatku jon apisvaje faktyčnuju rolu Łukašenki ŭ krainie («Jon daminuje ŭ biełaruskim palityčnym žyćci, kantralujučy parłamient, urad, słužbu biaśpieki i sudovuju sistemu»), raskazvaje pra vyniki vybaraŭ, pierachodzić da ličbaŭ, jakija śviedčać pra ekanamičny stan krainy.
«Biełaruskaja statystyka nie zusim dakładnaja. Vytvorčyja pakazčyki mohuć być pierabolšanyja słužbovymi asobami, kab paźbiehnuć pakarańnia Łukašenkam za nievykanańnie płanavych pakazčykaŭ», — papiaredžvaje ekśpiert.
Intehracyja z Rasijaj traktujucca jak «pavolnaja».
«Łukašenka baicca, što Rasija budzie sprabavać zamianić jaho na bolš zhavorlivuju fihuru. Heta moža być faktaram častych kadravych źmienaŭ u biełaruskim kiraŭnictvie», —
miarkuje Styvien Vureł. Raździeł pra supracoŭnictva ź Jeŭropaj taksama nie źmiaščaje niejkich niečakanaściaŭ i nieviadomych faktaŭ. A voś amierkanska-biełaruskija adnosiny apisanyja kankretna. U pryvatnaści, havorka viadziecca pra ahulny abjom finansavańnia niaŭradavych arhanizacyj. «Amierykanskaja dapamoha Biełarusi była niaznačnaj, pra što śviedčyć vybaračnaja stratehija abaviazalnictvaŭ.
Złučanyja Štaty vydzielili $10,2 miljonaŭ u jakaści dapamohi Biełarusi ŭ 2008 hodzie.
Dziarždepartamient prosić vydzielić $10 miljonaŭ u jakaści dapamohi na 2009 hod. Amierykanskaja dapamoha skiravanaja na padtrymku demakratyčnych niaŭradavych arhanizacyjaŭ, niezaležnych srodkaŭ masavaj infarmacyi i baraćby z handlem ludźmi. Dziarždepartamient adznačaje, što pieraśled režymam niaŭradavych arhanizacyj, u tym liku šlacham zabarony na zamiežnuju dapamohu navat dalokim ad palityki arhanizacyjam i pieraśledu siabroŭ navat niepalityčnych niaŭradavych arhanizacyj, uskładniaje nadańnie amierykanskaj dapamohi, piša ŭ dakładzie Styvien Vureł.
Wikileaks.org — amierykanski sajt z sakretnaj infarmacyjaj. Jahonyja ŭładalniki atrymlivajuć hetyja dakumienty ad nieviadomych krynic, nabližanych da ŭłady. Praŭdzivyja źviestki pra vajnu ŭ Afhanistanie vyklikali rozhałas pa ŭsim śviecie.
U zachodnich miedyjach źjaviłasia sieryja rasśledavańniaŭ, jakija bazujucca na hetych dakumientach. Pavodle ich, siły kaalicyi cierpiać parazy ŭ Afhanistanie, infarmacyja ab achviarach siarod mirnaha nasielnictva zamoŭčvajecca, kolkaść napadaŭ z boku talibaŭ pavialičvajecca, a kamandujučyja siłami NATA vykazvajuć zaniepakojenaść, što Pakistan i Iran padtrymlivajuć niestabilnaść ŭ rehijonie.
Administracyja prezidenta ZŠA Baraka Abamy žorstka skrytykavała ŭładalnikaŭ sajta za publikacyju dakumientaŭ. Ale tyja kateharyčna admovilisia paviedamić, chto pieradaŭ im sakretnyja materyjały.
Kamientary