Zatrymanych padčas akcyi 27 lipienia nie asudzili. Raźbiralnictva pieraniesienaje.
Viačasłava Siŭčyka, Kasiu Davydzik, Mikołu Dziemidzienku i Andreja Kima, zatrymanych 27 lipienia na płoščy Jakuba Kołasa, adpuścili. Sudovaje raźbiralnictva pieraniesienaje na 5 žniŭnia.
U sieradu ad
Ab 11.40 ich pryvieźli ŭ sud. Niepadalok ad budynka stajali try aŭtobusy ź śpiecnazam, navokał znachodziłasia niazvykłaja dla padobnych pracesaŭ kolkaść milicyjantaŭ. Mnohija z prysutnych mierkavali, što sprava dla padsudnych skončycca jak minimum «sutkami».
Zatrymanych hramadskich aktyvistaŭ, jakija 27 lipienia, z nahody Dnia niezaležnaści, pasprabavali ŭskłaści kvietki da pomnika Jakubu Kołasu, tradycyjna vinavacili pa artykule 17.1 Administratyŭnaha kodeksu (niecenzurnaja łajanka). A 13.00 pačalisia słuchańni. Sudździa Aksana Ralava zajmałasia spravami Andreja Kima i Viačasłava Siŭčyka. Kasiu Davydzik i Mikałaja Dziemidzienku sudziła Ina Laŭkova. Sud Kima byŭ zakryty, navat jaho maci nie puścili.
U budynku suda ŭvieś čas prysutničali načalnik apornaha punkta Savieckaha rajona Dźmitry Vałyncaŭ razam z namieśnikam načalnika RUUS Savieckaha rajona Maksimam Śvirydam, što kiravali zatrymańniami 27 lipienia.
Jany zajavili ŭ sudzie, što śviedkaŭ niecenzurnaj łajanki pakul pradstavić nie mohuć.
Hetyja i inšyja zatrymańni apošniaha času pravaabaroncy źviazvajuć z zapałochvańniem napiaredadni vybaraŭ.
-
Hajdukievič paabiacaŭ zrabić u domie Pavuka ŭ Akciabrskim hramadskuju pryjomnuju svajoj partyi
-
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva
-
«Vidavočna, kolkaść skarocicca». Jak adabjecca na stanie Katalickaj carkvy zadumanaja ŭładami pierarehistracyja parafij?
Kamientary