U ZŠA pa-anhielsku vyjšła apovieść Vasila Bykava «Miortvym nie balić».
U ZŠA pa-anhielsku vydadzienaja apovieść Vasila Bykava «Miortvym nie balić».
Pierakład zrobleny z aryhinału, nadrukavanaha ŭ 3-m tomie apošniaha zboru tvoraŭ Vasila Bykava ŭ 14 tamach.
«Punkt hledžańnia apaviadalnika — 18-hadovaha biełaruskaha sałdata — robić «Miortvym nie balić» vielmi cikavym dla daśledčykaŭ Vialikaj Ajčynnaj vajny, savieckich nacyjanalnaściaŭ, movy i vajennaj litaratury ŭ cełym, — kaža ŭ anatacyi da anhielskaha vydańnia prafiesarka ŭniviersiteta Paŭdniovaj Ałabamy Mara Kazielski. — Hetaja kniha taksama karysnaja dla navučalnych ustanovaŭ, bo źmiaščaje pierakładnyja ramany pra vajnu, napisanyja z savieckaha punktu hledžańnia».
Pierakłaŭ apovieść viadomy litaraturaznaŭca Džozef Mozur, u jakoha hetaja praca zaniała apošnija try hady.
«Vielmi ŭraziŭ dramatyzm tvoraŭ hetaha piśmieńnika, niezvyčajnaja ščyraść i praŭdzivaść aŭtarskaha apisańnia padziejaŭ vajny, — piša ŭ svaim liście Džozef Mozur da žurnalista ńju-jorkskaj haziety «Biełarus». I samaje hałoŭnaje, [hetaja apovieść] — śmiełaja ŭ padtekście krytyka nieastalinizmu, toj sistemy, što isnavała tady ŭ Savieckim Sajuzie».
Džozef Mozur (nar. u 1949 h.) — unuk emihrantaŭ ź Litvy, jakija pryjechali ŭ ZŠA jašče da Pieršaj suśvietnaj vajny. Bykavym zacikaviŭsia, kali pračytaŭ «Miortvym nie balić» u časopisie «Novyj mir» u 1981. Tady jon vučyŭsia na letnich kursach u Maskoŭskim dziaržuniviersitecie ŭ jakaści aśpiranta. Z 1983 i da ciapierašniaha času Mozur pracuje va ŭniviersitetach Novaha Arleanu, Paŭnočnaj Karaliny i Ałabamy. Vykładaje słavistyku, rasijskuju movu i nacyjanalnyja litaratury, što stvaralisia ŭ savieckich respublikach.
Vasil' Bykau. The Dead Feel No Pain. Novel. New York: The Edwin Mellen Press, 2010. 365 p.
Kamientary