Śpiakota ŭ Biełarusi pratrymajecca jašče jak minimum troje sutak.
Pavodle prahnozaŭ Respublikanskaha hidramieteacentra, 2 žniŭnia tempieratura pavietra nočču składzie 13—20°S, dniom 28—34°S, pa paŭdniovym uschodzie miescami da 35°S.
3 žniŭnia na bolšaj častcy terytoryi, a 4 žniŭnia ŭ centralnych i ŭschodnich rajonach krainy zachavajecca śpiakotlivaje nadvorje ź dzionnaj tempieraturaj pavietra 30—34°C. Pa ŭschodniaj pałovie pavietra prahrejecca da 35—37°C.
U Minsku, pavodle prahnozaŭ sinoptykaŭ, 2 žniŭnia načnaja tempieratura składzie 19—21°C, dzionnaja 30—32°C. Mahčymyja doždž, navalnica.
3 žniŭnia nočču ŭ stalicy budzie 19—21°C, dniom 30—32°C, viečaram mahčymy doždž.
4 žniŭnia načnaja tempieratura čakajecca na ŭzroŭni 21—23°C, dzionnaja 30—32°C.
Varta zaznačyć, što tempieratura vyšejšaja za 35°C ličycca niebiaśpiečnaj źjavaj.