Achviaraj staŭ Michaś Bašura — ułaśnik mašyny, ź jakoj skanfiskavali podpisy za vulicu Bykava.
Aktyvist kampanii «Havary praŭdu!» Michaił Bašura zatrymany ŭ Minsku pavodle padazreńnia ŭ padrobcy dakumientaŭ. Pra heta paviedamiŭ aktyvist kampanii Michał Paškievič.
Pavodle jaho słoŭ, uviečary 6 žniŭnia ŭ kvateru, jakuju aranduje Bašura, źjaviŭsia nieviadomy čałaviek u cyvilnym i pasprabavaŭ vyklikać jaho z kvatery. Bašura vychodzić admoviŭsia. Adnak prykładna ŭ 19.00 jon byŭ vymušany vyjści z kvatery pa telefonnaj prośbie haspadyni žylla, jakoj patelefanavali ź milicyi.
Na placoŭcy kala kvatery Bašuru akružyli ludzi ŭ cyvilnym, jakija nastojliva prapanavali prajechać va UUS Savieckaha rajona Minska. Aktyvist zajaviŭ, što nie budzie davać nijakich pakazańniaŭ biez advakata. Tym nie mienš, Bašuru zatrymali. «Jamu zajavili, što jaho zatrymlivajuć pa niepasredna ŭźnikłym padazreńni va ŭčynieńni złačynstva. Nibyta niekalki hadoŭ tamu dla atrymańnia kredytu jon padaŭ daviedku ab dachodach, suma ŭ jakoj była zavyšana. Da 22.00 jaho vazili na śledčyja dziejańni, da
Advakata da Bašury dapuścili tolki ranicaj 7 žniŭnia. Razam z advakatam na dopyt pryjšła žonka aktyvista, jakaja admoviłasia ad davańnia pakazańniaŭ, matyvujučy heta tym, što maje prava nie davać pakazańniaŭ suprać svajakoŭ.
«Viadoma, što Bašuru inkryminujuć złačynstva, praduhledžanaje artykułam 380 Kryminalnaha kodeksa Biełarusi (padrobka, vyrab, vykarystańnie abo zbyt padroblenych dakumientaŭ, štampaŭ, piačatak, błankaŭ). Zaraz jon zatrymany na troje sutak. Potym termin zatrymańnia moža być abo pradoŭžany na termin da 10 sutak, abo Bašury budzie vystaŭlena abvinavačańnie», — skazaŭ Paškievič.
Pavodle jaho słoŭ, advakat Bašury Tamara Sidarenka maje namier skłaści skarhu na parušeńni padčas zatrymańnia i śledčych dziejańniaŭ u dačynieńni da jaje padabaronnaha.