Biełarusi – chryścijanskuju palityku!

Nacyjanalnaja Rada Biełaruskaj chryścijanskaj demakratyi zaćvierdziła tezy prezidenckaj prahramy kandydata ad BCHD Vitala Rymašeŭskaha. Prapanujem dakumient Vašaj uvazie.

1. Biełarusi – sumlennuju palityku

Hałoŭnaje, što ludziam treba ad ułady – sumlennaść. Chłusiš, nie vykonvaješ abiacańniaŭ – u adstaŭku. Kradzieš – u turmu. Čym bolš chryścijanaŭ na dziaržaŭnych pasadach – tym bolš sumlennaj budzie palityka. Praviadziem vybary ŭsich uzroŭniaŭ biez falsifikacyj. Mery haradoŭ i miastečak buduć vybiracca, a nie pryznačacca. Vierniem zakonnaść u sudy, prakuraturu, milicyju. Rynkavaja ekanomika budzie sacyjalna aryjentavanaj. Maksimalna sprościm padatkaabkładańnie: kožny biełarus zmoža biez buchhałtarskaj adukacyi ličyć svaje padatki.

2. Biełaruś – biez karupcyi!

Kolkaść čynoŭnikaŭ pamienšym u try razy: mienš čynoŭnikaŭ – mienš karupcyi. Prymiem “zakon Linkalna”: toj, chto dakaža fakt karupcyi, atrymaje 25% ad vyjaŭlenaha. Nie dapuścim raskradańnia ahulnanarodnaj majomaści. Zabiaśpiečym niedatykalnaść zakonna nabytaj pryvatnaj ułasnaści. Uviadziem pryvatnuju ŭłasnaść na ziamlu. My za viartańnie ŭsich śviatyniaŭ, adabranych u viernikaŭ u kamunistyčnyja časy. Adnaŭlenčaje pravasudździe: akcent nie na pakarańnie, a na kampiensacyju ŭronu i prymireńnie bakoŭ.

3. Biełaruś – heta svaboda

Kožny čałaviek i narod maje svabodu, dadzienuju Boham. My zabiaśpiečym realnuju svabodu viery: novy zakon, padrychtavany pradstaŭnikami ŭsich kanfiesij. Cerkvam – padatkovyja lhoty: mienavita Carkva zdolna azdaravić maralnuju atmaśfieru ŭ hramadstvie i ŭziać na siabie kłopat pra nieabaronienych. Svaboda ŚMI: admiena palityčnaj cenzury. Svaboda pradprymalnictva: dla zasnavańnia biźniesu – nijakaj biurakratyi. Volny drobny i siaredni biźnies – asnova nacyjanalnaj ekanomiki.

4. Biełaruskaje samakiravańnie

Miascovaje samakiravańnie – asnova luboj paśpiachovaj dziaržavy. Prablema pavinna vyrašacca na tym uzroŭni, na jakim jana isnuje (subsidyjarnaść). U kožnym horadzie, miastečku, vioscy, mikrarajonie budzie svaja vybarnaja Rada. Uładu – ludziam, jakija žyvuć tut, a nie rajonnaj ci abłasnoj mafii. Administracyjnaja reforma: kiravańnie krainaj budzie bolš efiektyŭnaje, kali Biełaruś budzie padzielenaja nie na šeść savieckich abłaściej, a na 23 rehijony (Aršanski, Babrujski, Baranavicki i h.d.).

5. Biełaruś – zamožnaja kraina

Čałaviek – vobraz i padabienstva Božaje. Dziaržava – dla čałavieka, a nie čałaviek dla dziaržavy! Sacyjalnyja harantyi piensijanieram, małamajomasnym, sirotam i invalidam. Stvorym spryjalny inviestycyjny klimat. Zabiaśpiečym zarobki jeŭrapiejskaha ŭzroŭniu. Vyšejšaja adukacyja budzie finansava dastupnaj i efiektyŭnaj. Asablivy kłopat i uvaha – pieraadoleńniu nastupstvaŭ Čarnobylu i padtrymcy talenavitaj moładzi. Hałoŭnyja biudžetnyja raschody – nie na dziaržavu, armiju i KDB, a na adukacyju, navuku i achovu zdaroŭja.

6. Biełaruś – jeŭrapiejskaja kraina

Jeŭropa była zbudavanaja na chryścijanskich kaštoŭnaściach. Svaboda, spraviadlivaść, kultura, uzrovień žyćcia – vyniki chryścijanstva. My idziem u Jeŭropu, kab razam z susiedziami adradžać jeŭrapiejskija chryścijanskija kaštoŭnaści. Z Rasijaj – uzajemavyhadnyja siabroŭskija dačynieńni. Biełaruś – niejtralnaja kraina. Biełarusi – jeŭrapiejskaja ekanomika, zasnavanaja na navuka- i pracajomistaj vytvorčaści, tranzicie, servisie, turystyčnym biźniesie, infarmacyjnych i ekałahičnych technałohijach.

7. Usia moc dziaržavy – na padtrymku siamji

Dziaržaŭnaja prahrama źmianšeńnia abortaŭ i razvodaŭ. Padatkovyja lhoty – siemjam, asabliva šmatdzietnym. Siamiejnamu biźniesu – padtrymku. Uviadzieńnie maciarynskaha kapitału. Kredyty na žyllo i nabyćcio majomaści maładym siemjam. Kompleks mierapryjemstvaŭ pa zmahańni z usieahulnaj ałkahalizacyjaj. Vyniesiem hulniavyja zony i kazino za terytoryi nasielenych punktaŭ. Spynim prapahandy razbeščanaści.

• 0
• 0
• 0
• 0
• 0
• 0
• 0
• 0