Uładzimir Niaklajeŭ: Ad takich napadkaŭ Łukašenku budzie lohka adbicca
Lider hramadskaj kampanii «Havary praŭdu» Uładzimir Niaklajeŭ byŭ adnym z hierojaŭ pieradačy «Chrosny
Lider hramadskaj kampanii «Havary praŭdu» Uładzimir Niaklajeŭ byŭ adnym z hierojaŭ pieradačy «Chrosnybaćka-3 ». Dla zdymak jon admysłova jeździŭ u Maskvu.
«Naša Niva»: Jak vam film? Spadabaŭsia?
Uładzimir Niaklajeŭ: Dynamičny, naporysty, z enierhietykaj. Šmat plusaŭ u im, ale i minusaŭ chapaje. Najpierš, što tak i nie było ahučana kankretnych faktaŭ karupcyi z boku atačeńnia Łukašenki. Nie było śpiecyjalnych dakumientaŭ.
«NN»: A vy čamu pahadzilisia ŭdzielničać u «Chrosnym baćku»?
UN: Tamu, što hety film tyčyŭsia surjoznych rečaŭ. Ja adrazu papiaredziŭ televizijščykaŭ, što nie maju dakumientavanaj bazy, jakaja b paćvierdziła maje słovy ab kłanavaści ŭłady, ab karupcyi. Jany skazali, što majuć takich ludziej ŭ adpaviednych strukturach i takija dakumienty, a ja im patrebny, kab ahulna abmalavać situacyju, što i zrabiŭ.
«NN»: A jakoha efiektu čakajecie ad filmu?
UN: Ja čakaju razumieńnie ludźmi, chto kiruje krainaj, što heta za čałaviek. Chaču, kab ludzi zrazumieli, što hety čałaviek nie varty zajmać najvyšejšuju pasadu ŭ krainie.
«NN»: Budziecie rekamiendavać ludziam hladzieć «Chrosnaha baćku»?
UN: Chaj by pahladzieli. Zrešty, dla rasijskaha hledača — heta siensacyja. A dla našaha, jaki choć trochu aryjentujecca ŭ palityčnych pracesach, nijakaj siensacyi niama, vialikaha ŭpłyvu niama taksama. Jašče raz paŭtarusia, kali byli b ahučanyja kankretnyja fakty machinacyj, z kankretnymi dakumientami, to heta b mieła inšy efiekt. A ad takich, ničym nie paćvierdžanych napadak, Łukašenku budzie lohka adbicca.
Kamientary