«Siońnia my hulali ź vialikim žadańniem i imknieńniem pieramahčy. U kamandy byŭ zapał u vačach. My pakazali jakasnuju hulniu, na „ura“ pravioŭšy druhi tajm», —zajaviŭ hałoŭny trenier futbolnaha kłuba BATE Viktar Hančarenka 19 žniŭnia na
Hančarenka padkrseliŭ, što kamanda hulała tolki na pieramohu. Razam z tym, pradoŭžyŭ hałoŭny trenier, BATE vioŭ u liku 3:0 i dazvoliŭ sapierniku krychu pierachapić inicyjatyvu. «Ale my nie hublali hałavu, staralisia jakasna abaraniacca i šukać dadatkovyja mahčymaści dla kontratak», — skazaŭ jon.
U matčy z «Marytymu» hulcy BATE atrymali čatyry papiaredžańni (Alachnovič, Niachajčyk, Radyjonaŭ i Vieramko). Pryčym u paŭtornaj hulni ŭ Funšale nie zmohuć uziać udzieł hałkipier barysaŭskaj kamandy Siarhiej Vieramko i paŭabaronca Pavieł Niachajčyk, jakija atrymali pa druhomu papiaredžańniu ŭ matčach Lihi Jeŭropy.
Hančarenka ličyć, što nie ŭsie rašeńni isłandskaha arbitra Kryścijana Jakabsona adnosna pakazanych u matčy z «Marytymu» «žoŭtych kartak» byli pravilnymi. Akramia taho, na dumku hałoŭnaha treniera, sapiernik pravakavaŭ biełaruskich hulcoŭ.
U svaju čarhu, nastaŭnik «Marytymu» Mitčeł van der Haah padkreśliŭ, što hulać daviałosia suprać mocnaj kamandy. «My staralisia hulać na kontratakach — heta byŭ naš płan na hulniu. U nas było niekalki halavych momantaŭ, ale, na žal, nam nie ŭdałosia ich realizavać. Ahresiŭnaja hulnia BATE, asabliva ŭ druhim tajmie, nie stała dla nas niečakanaściu», — skazaŭ hałoŭny trenier partuhalskaj kamandy.
Pierałomny momant u hulni, na jaho dumku, nastupiŭ, kali BATE, a nie «Marytymu» adkryŭ lik u matčy. Zakranajučy płan na matč u adkaz u partuhalskim Funšale, Mitčeł van der Haah zajaviŭ, što jaho kamanda budzie adstojvać honar kłuba i «nabiracca vopytu ŭ mižnarodnych spabornictvach u hulni z takim mocnym sapiernikam, jak BATE». «Heta nie hałasłoŭnyja śćviardžeńni, — padkreśliŭ jon. — My bačyli, jak BATE hulaje z „Kapienhahienam“ i inšymi kamandami».
-
«Vašynhton Kepitałz» Alaksieja Protasa vyjšaŭ u druhi raŭnd Kubka Stenli
-
Trenier žanočaj zbornaj Biełarusi pa handbole: U mianie ŭ kožnaj kamandzie byli leśbijanki. Zamiłoŭvajuć sproby heta rehulavać
-
Biełaruski trenier raskazaŭ, jakuju śmiešnuju zadaču jamu pastavili ŭ čempijanacie Kitaja pa chakiei
Kamientary