Suśvietnuju litaraturnuju kłasiku, pierakładzienuju na turkmienskuju movu, pačnuć vydavać u Turkmienii ŭ śpiecyjalnym časopisie, paviedamiła ŭ čaćvier Turkmienskaje telebačańnie.
Turkmienski prezident Hurbanhuły Bierdymuchamiedaŭ na naradzie, pryśviečanaj raźvićciu kultury i ŚMI, daručyŭ uradu krainy stvaryć časopis «Suśvietnaja litaratura» na turkmienskaj movie.Pa słovach kiraŭnika dziaržavy, u novym vydańni nieabchodna drukavać tvory suśvietnaj litaraturnaj kłasiki, pierakładzienaj na turkmienskuju movu. Na dumku Bierdymuchamiedava, heta pierš za ŭsio nieabchodna turkmienskaj moładzi.
Turkmienskaje telebačańnie nie paviedamlaje, ź jakoha času, ź jakoj pieryjadyčnaściu i ŭ jakim farmacie budzie vydavacca novy časopis.
Zamiežnaja litaratura ŭ Turkmienii paśla raspadu SSSR, za redkim vyklučeńniem, nie pierakładałasia i nie vydavałasia. Pieršy prezident Turkmienii Saparmurat Nijazaŭ ličyŭ, što ŭsie duchoŭnyja zapatrabavańni nacyi ŭ stanie zadavolić jaho
Kali ŭ lutym 2007 prezidentam staŭ Bierdymuchamiedaŭ, u krainu viarnulisia opiernaje i cyrkavoje mastactva, ahulnapryniatyja nazvy dzion tydnia i miesiacaŭ hodu, Akademija navuk, tvory litaratury i kino savieckaha pieryjadu, jakija ŭ epochu Turkmienbašy ličylisia niepatrebnymi narodu.
U hetym kantekście, ličać naziralniki, vydańnie tvoraŭ suśvietnaj litaratury ŭ Turkmienii maje vialikaje značeńnie dla intehracyi krainy ŭ suśvietnuju kulturnuju prastoru.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA14
Kamientary