Dla budaŭnictva minskaj abjaznoj darohi žyłyja damy buduć znosić dziesiatkami?
U adnoj tolki vioscy Navašyna nazvanyja 64 učastki pad znos.
Budaŭnictva druhoj Minskaj kalcavoj aŭtadarohi pahražaje źjaŭleńniem pieršych niezadavolenych. Prajekt trasy jašče tolki prachodzić uzhadnieńnie, a da staršyń sielsavietaŭ užo pryjšła infarmacyja, kolki ŭčastkaŭ pryjdziecca źnieści ŭ kožnym kankretnym nasielenym punkcie dla patrebaŭ krainy. Hałoŭnaja achviara — pasiołak Navašyna pad Zasłaŭjem. Tut u «śpis pad znos» uniesienyja ažno 64 učastki. «Padrežuć» i susiednija Łašany.
Novaja tolki na tracinu
Abjaznaja trasa vakoł Minska pavinna stać dubloram ciapierašniaj kalcavoj darohi, razhruzić jaje i puścić hruzavy transpart u abychod stalicy. Minskija ŭłady ŭsio bolš upeŭnienyja ŭ tym, što prajekt budaŭnictva ŭdasca realizavać. Hałoŭny architektar stalicy Viktar Nikicin užo zaručyŭsia padtrymkaj kiraŭnika dziaržavy i Savieta Ministraŭ. Daroha pavinna źjavicca ŭ 2013–2015 hadach.
Častka trasy ŭžo jość — heta trasa M1
Zastaniecca darabić darohu ad Pilnicy da Fanipala.
Pieršym novapabudavanym učastkam musić stać kavałakJaho zdaduć u 2014 hodzie, a paśla voźmucca za apošni kavałak darohi.Zasłaŭje-Fanipal .
Aŭtamabilny Čarnobyl
Z hetym kavałkam i čakajucca najbolšyja prablemy. Choć prajekciroŭščyki i staralisia abyjści ŭsie nasielenyja punkty, zrabić hetaha nie ŭdałosia.
Ad niekatorych viosak trasa budzie zakrytaja hukaadbivalnym ekranam. Ale jon budzie ŭstaloŭvacca tolki kali adlehłaść ad darohi da damoŭ składzie 100 mietraŭ. Kali bolš — viaskoŭcam i dačnikam daviadziecca słuchać kruhłasutkavy šum z trasy.
Navašyna i Łašany — dva pasiołka pad Zasłaŭjem, jakija abminuć nie ŭdałosia. Ich čakaje adsialeńnie. Naprykład, u Navašynie trasa naŭprost projdzie praz 64 učastki. Žycharam hetym damoŭ pavinna być pradastaŭlena kampiensacyja, ale što atrymajuć ich susiedzi, aproč papsavanaj ekałohii i šuma?
Składanaja situacyja atrymałasia i kala Rakava. Tut daroha projdzie pa miažy zakaźnika.
Žychary pasiołkaŭ i viosak prapanujuć prajekciroŭščykam alternatyŭnyja varyjanty prakładańnia darohi, ale dziaržava baicca padaražańnia prajektu. Tamu nivodnaha masta ci estakady pabudavana nie budzie.
Kamientary