Biełaruś pavysić adkaznaść vytvorcaŭ za jakaść i biaśpieku pradukcyi. Ab hetym zajaviŭ siońnia pieršy namieśnik staršyni Dziaržaŭnaha kamiteta pa standartyzacyi Biełarusi Viktar Nazaranka na sieminary, dzie vyvučałasia dyrektyva Jeŭrasajuza ab adkaznaści vytvorcy za vypusk niajakasnaj pradukcyi.
«My siońnia rychtujem źmianieńni ŭ nacyjanalnaje zakanadaŭstva, kab harmanizavać padychody z Rasijaj i Kazachstanam, i tym samym značna pavysić adkaznaść za biaśpieku pradukcyi», — skazaŭ Viktar Nazaranka.
Jon adznačyŭ, što ŭ Biełarusi pastaŭlena zadača libieralizacyi ekanomiki, «kab usie orhany dziaržkiravańnia, arhanizacyi, jakija ŭpłyvajuć na ŭmovy libieralizacyi, stvarali spryjalnyja ŭmovy dla biźniesu». Uziaty kurs na spraščeńnie dziaržaŭnaha nahladu. Idzie surjoznaje refarmavańnie sistemy dziaržnahladu. «My siońnia pracujem nad tym, kab pierajści da inšych padychodaŭ u halinie narmiravańnia i standartyzacyi», — skazaŭ pieršy namieśnik staršyni Dziaržstandarta. Užo siońnia zakanadaŭstva pradpisvaje, što standarty źjaŭlajucca dobraachvotnymi, kali vytvorca prymaje abaviazacielstvy ab adkaznaści. «My refarmujem sistemu paćviardžeńnia adpaviednaści. Pryniaty dakumienty pa spraščeńniu pracedur siertyfikacyi, uziaty kurs na pierachod ad abaviazkovaj siertyfikacyi da dekłaravańnia», — dadaŭ Viktar Nazaranka.
Usie hetyja pracesy nakiravany na toje, kab miery pa libieralizacyi zakanadaŭstva ŭ halinie techničnaha rehulavańnia byli kampiensavany adkaznaściu vytvorcaŭ, imparcioraŭ za jakaść i biaśpieku pastaŭlajemaj pradukcyi.
Heta tema siońnia vielmi aktualnaja, što paćviardžajecca praktyčna štodzionna. Z hetaj metaj pravodzicca sieminar dla biełaruskich śpiecyjalistaŭ. U im prymajuć udzieł ekśpierty Hiermanii, Ispanii, Bałharyi, Polščy, Litvy. Jany padzielacca vopytam, jak u ich vykarystoŭvajecca jeŭradyrektyva ab adkaznaści vytvorcy za vypusk niajakasnaj pradukcyi.-0-
Kamientary