«Dynama» (Minsk) i «Dniapro» (Mahiloŭ) skančvajuć vystupleńnie ŭ eŭrakubku.
U čaćvier viečaram adbylisia matčy ŭ adkaz raŭndupłej-of Lihi Jeŭropy. Da hetaj stadyi spabornictvaŭ dabralisia až try biełaruskija kamandy (upieršyniu ŭ historyi). Praŭda, dalej prabicca zmoh tolki BATE.
Voś i nie skažaš, što barysaŭcam vielmi pašancavała ź losavańnie. Partuhalski «Marycimu» — heta vam nie valijski ci finski kłub. Tym nie mienš, biełarusy nie prymusili chvalavacca balelščykaŭ za kančatkovy vynik.
Tydzień tamu doma kamanda Viktara Hančarenki pieramahła kłub z vyspy Madejra z bujnym likam 3:0. U haściach BATE taksama pieramoh, choć i nie tak pierakanaŭča.
U druhim tajmie hoł zabiŭ Alaksandr Paŭłaŭ. Minimalnaja pieravaha biełarusaŭ zastavałasia da skančeńnia asnoŭnaha času hulni. A ŭžo ŭ kampiensavany Kanu lik zraŭniaŭ.
Ničyja taksama dobry vynik, ale nie dla BATE. Riezierist Maksim Skavyš vyrvaŭ pieramohu — 2:1.
Barysaŭskaja kamanda treci hod zapar prabivajecca ŭ hrupavy etap eŭrakubkaŭ.
U minskaha «Dynama» paśla minimalnaha projhryšu ad «Bruhie» (1:2) šancy byli niakiepskim. Zrešty, rastvarylisia jany jašče ŭ pieršym tajmie, kali hości zabili ažno try miačy.
U druhoj pałovie hulni namahańniami Čuchleja i Drahuna lik atrymałasia źvieści da prystojnaha. Tym nie mienš, «Dynama» sastupiła — 2:3.
Dla mahiloŭskaha «Dniapra» hulnia z «Viljareałam» była farmalnaściu paśla haściavoha razhromu (0:5). Ale čamu b nie pieramahčy takoha maścitaha supiernika!
Na žal, nie atrymałasia. Choć Uładzimir Jurčanka i zabiŭ pieršym. Bolš daśviedčanyja ispancy zmahli vyrvać pieramohuju Pryčym, abodva hały jany zabivali ŭ kampiensavany čas — 1:2. «Dniapru» prosta nie chapiła dośviedu. Tym nie mienš, jaho vystup možna ličyć paśpiachovym.
Svaich supiernikaŭ pa hrupavym etapie Lihi Jeŭropy BATE daviedajecca ŭ piatnicu.
«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika2
Kamientary