Redaktarka sajtu «Chartyja-97» Natalla Radzina nia vieryć versii biełaruskaha MUS, pavodle jakoj pryčynaj śmierci apazycyjnaha žurnalista sajtu «Chartyja-97» jość samahubstva. Pra heta jana zajaviła ŭ efiry radyjostancyi «Echo Moskvy».
«Ja nia vieru ŭ versiju MUS, nia vieru ŭ toje, što Biabienin moh pakončyć saboju. Mahu dakładna skazać, što ŭ Aleha Biabienina byli vialikija plany. Jon byŭ asnoŭnym členam kamandy kandydata ŭ prezydenty Biełarusi Andreja Sańnikava. Heta byŭ vielmi žyćciaradasny, nadziejny čałaviek, vialiki prafesijanał. My sustrakalisia napiaredadni. U nas byli plany na paniadziełak. Jon nie pakinuŭ pa sabie nijakaj zapiski», — skazała Natalla Radzina j adciemiła, što ŭ Aleha Biabienina nie było prablemaŭ ni ŭ siamji, ni z zdaroŭjem.
Raniej u efiry «Echa Moskvy» kandydat u prezydenty Jarasłaŭ Ramančuk zajaviŭ, što ličyć, što pryčynaj śmierci apazycyjnaha žurnalista Aleha Biabienina stała jahonaja infarmacyjna-palityčnaja dziejnaść.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)