U błohach i na sajtach anarchistaŭ u internecie paćviardžajecca infarmacyja ab aryšcie ŭ Minsku šaści moładzievych aktyvistaŭ.
Pavodle hetych paviedamleńniaŭ, 3 vieraśnia kala 6 hadzin ranicy supracoŭnikami pravaachoŭnych orhanaŭ Biełarusi byli zatrymanyja siamiora hramadskich aktyvistaŭ.
Šaściora ź ich užo 38 hadzin znachodziacca pad aryštam u IČU Minska. Zatrymanych dapytvajuć na pradmiet ich dačynieńnia da napadu na ambasadu RF u Minsku.
Maładyja ludzi sumiesna zdymajuć kvateru ŭ adnym z rajonaŭ Minska. U 6.20 ranicy 4 vieraśnia ŭ kvatery razdaŭsia zvanok, adzin z maładych ludziej adkryŭ dźviery. U kvateru ŭvarvalisia supracoŭniki pravaachoŭnych orhanaŭ u cyvilnym.
Usie, chto znachodziŭsia ŭ toj momant u kvatery, byli dastaŭlenyja dla dopytu, u kvatery prajšoŭ pieratrus, byli kanfiskavanyja 5 kamputaraŭ, dva noŭtbuki, mabilnyja telefony, hrošy, afišy i časopisy. Adna z zatrymanych była dapytanaja ŭ jakaści śviedki pa kryminalnaj spravie ab napadzie na ambasadu RF i vyzvalenaja kala 19 hadzin. Jašče šeść čałaviek — Istazaraŭ Ihar, Chocina Valeryja, Ślusaraŭ Siarhiej, Dziadok Mikałaj, Žynhieroŭski Alaksiej i Franckievič Alaksandr — da hetaha času znachodziacca na Akreścina. Svajakam i siabram źviazacca ź imi nie ŭdajecca. Maksimalny termin zatrymańnia biez pradjaŭleńnia abvinavačvańnia ŭ Biełarusi składaje 72 hadziny.
Siabry zatrymanych taksama paviedamlajuć, što 4 vieraśnia byŭ praviedzieny pieratrus jašče ŭ adnaho aktyvista, ale jaho paśla dopytu vyzvalili. Pieratrusy taksama prajšli na kvaterach baćkoŭ zatrymanych.