Radzimaj kałaradskaha žuka źjaŭlajecca nie štat Kałarada, a Sanorskaja zaahieahrafičnaja padvobłaść na paŭnočnym uschodzie Mieksiki. U siaredzinie XIX st. pačałosia pastupovaje praniknieńnie žuka ź Mieksiki na poŭnač.
Kałaradski žuk, vyhlad u profil.
Pieršyja surjoznyja paškodžańni bulby kałaradskim žukom byli adznačanyja ŭ 1855 h. u štacie Niebraska, ale svaju nazvu jon atrymaŭ paśla taho, jak u 1859 h. źjaviŭsia na bulbianych palach štata Kałarada. Niahledziačy na ŭsie miery pieraściarohi, novyja škodniki chutka raspaŭsiudzilisia pa Paŭnočnaj Amierycy, a ŭ 1876-77 hh. z hruzami na parachodzie pierapłyli Atłantyčny akijan i ŭpieršyniu źjavilisia ŭ Jeŭropie, u vakolicach Lajpcyha.
Paśla hetaha kałaradskaha žuka jašče niekalki razoŭ zavozili ŭ Jeŭropu, ale jaho ačahi svoječasova źniščalisia, pakul u 1918 h., padčas Pieršaj suśvietnaj vajny, jamu nie ŭdałosia «zamacavacca» ŭ rajonie Bardo (Francyja). Adsiul žuk pačaŭ pieramožnaje šeście pa krainach Jeŭropy, nie patrapiŭšy tolki ŭ Vialikabrytaniju, dzie jon traplajecca, ale dosyć redka.
U kancy 1940-ch žuk dasiahnuŭ miežaŭ SSSR. Pieršyja jaho ačahi na terytoryi SSSR byli znojdzienyja ŭ Lvoŭskaj vobłaści Ukrainy ŭ 1949 h.
Zatym u 1953 h. jon źjaviŭsia adnačasova ŭ Kalininhradskaj, Vałynskaj, Bresckaj i Haradzienskaj abłaściach.
Ci nie z amierykanskimi desantami jon siudy trapiŭ? : )
