Abjadnanaja hramadzianskaja partyja (AHP) poŭnaściu hatova da rehistracyi inicyjatyŭnaj hrupy pa vyłučeńni kandydatam na pasadu prezidenta namieśnika staršyni partyi Jarasłava Ramančuka. Pra heta paviedamiŭ kiraŭnik jaho pieradvybarnaha štaba lider AHP Anatol Labiedźka.
«Hatoŭnaść štaba da vybaraŭ dosyć vysokaja, praktyčna sfarmiravana inicyjatyŭnaja hrupa, viadziecca infarmacyjnaja kampanija», — skazaŭ jon.
Pavodle słoŭ Labiedźki, pry farmiravańni inicyjatyŭnaj hrupy staŭka rabiłasia na toje, kab jana była «nie pijaraŭskaj, a pracazdolnaj». «Dumaju, praktyčna ŭsie členy našaj inicyjatyŭnaj hrupy buduć realnymi zborščykami podpisaŭ», — padkreśliŭ jon.
Palityk ličyć, što Ramančuk źjaŭlajecca «realnaj alternatyvaj» Alaksandru Łukašenku.
Labiedźka taksama paviedamiŭ, što zaraz AHP nie viadzie pieramoŭ ź inšymi demakratyčnymi pretendentami na pasadu prezidenta.
