Alaksandr Łukašenka ličyć, što prafsajuzy surjozna niedapracoŭvajuć u pytańniach achovy pracy i skaračeńnia vypadkaŭ vytvorčaha traŭmatyzmu. Ab hetym kiraŭnik dziaržavy zajaviŭ siońnia na VI źjeździe Fiederacyi prafsajuzaŭ Biełarusi.
«My šmat havorym ab vysokich materyjach, inavacyjach. Ale časam maŭčym ab tym, što adnoj z asnoŭnych pryčyn hibieli ludziej u našaj krainie zastajecca vytvorčy traŭmatyzm. Liču, u XXI stahodździ takaja situacyja vyhladaje prosta absurdam», — skazaŭ kiraŭnik dziaržavy.
Tolki za 8 miesiacaŭ hetaha hoda ŭ vyniku niaščasnych vypadkaŭ na vytvorčaści zahinuła 152 čałavieki i kala 500 traŭmiravany. Časta hibiel ludziej abumoŭlena znachodžańniem ich na rabocie ŭ stanie ałkaholnaha apjanieńnia.
Łukašenka ličyć, što, jak praviła, rola prafsajuznych arhanizacyj zvodzicca da fiksacyi faktaŭ, a metanakiravanaja rabota pa vyjaŭleńniu i ŭstaranieńniu pryčyn, jakija ich sparadžajuć, adsutničaje.
Prafsajuzy ni ŭ jakim vypadku nie pavinny zajmacca papulizmam
Alaksandr Łukašenka ličyć, što prafsajuzy ni ŭ jakim vypadku nie pavinny zajmacca papulizmam.
«Pa svajoj pryrodzie prafsajuzy pryznačany vykonvać šmat funkcyj, časam dyjamietralna procilehłych, — skazaŭ Alaksandr Łukašenka. — Z adnaho boku, treba dabivacca zadavalnieńnia ŭsich patrebnaściej rabotnikaŭ. Z druhoha, z najmalnikam pavinny być vybudavany kanstruktyŭnyja, ja navat skazaŭ by, dypłamatyčnyja adnosiny, kab znachodzić aptymalnyja šlachi vyrašeńnia prablem, pry nieabchodnaści — iści na kampramis. I samaje hałoŭnaje, uźnimajučy toje ci inšaje pytańnie, vy pavinny realna aceńvać ekanamičnuju situacyju ŭ krainie. I ni ŭ jakim vypadku nie zajmacca papulizmam».
«My ŭžo takoje ŭ našaj historyi prachodzili, — skazaŭ kiraŭnik dziaržavy. — Tady dziejnaść prafsajuzaŭ nie mieła ničoha ahulnaha z realnaj abaronaj pravoŭ rabočaha čałavieka, a była nakiravana za zadavalnieńnie intaresaŭ viarchuški arhanizacyi».-0-
Kamientary